7. පඤ්හාවාරො

පච්චයචතුක්කං

165. පරිත්තො නහෙතු ධම්මො පරිත්තස්ස නහෙතුස්ස ධම්මස්ස ආරම්මණපච්චයෙන පච්චයො. පරිත්තො නහෙතු ධම්මො මහග්ගතස්ස නහෙතුස්ස ධම්මස්ස ආරම්මණපච්චයෙන පච්චයො. (2)

මහග්ගතො නහෙතු ධම්මො මහග්ගතස්ස නහෙතුස්ස ධම්මස්ස ආරම්මණපච්චයෙන පච්චයො. මහග්ගතො නහෙතු ධම්මො පරිත්තස්ස නහෙතුස්ස ධම්මස්ස ආරම්මණපච්චයෙන පච්චයො. (2)

අප්පමාණො නහෙතු ධම්මො අප්පමාණස්ස නහෙතුස්ස ධම්මස්ස ආරම්මණපච්චයෙන පච්චයො. අප්පමාණො නහෙතු ධම්මො පරිත්තස්ස නහෙතුස්ස ධම්මස්ස ආරම්මණපච්චයෙන පච්චයො. අප්පමාණො නහෙතු ධම්මො මහග්ගතස්ස නහෙතුස්ස ධම්මස්ස ආරම්මණපච්චයෙන පච්චයො. (3)

පරිත්තො නහෙතු ධම්මො පරිත්තස්ස නහෙතුස්ස ධම්මස්ස අධිපතිපච්චයෙන පච්චයො (සංඛිත්තං).

166. ආරම්මණෙ සත්ත, අධිපතියා සත්ත, අනන්තරෙ නව, සමනන්තරෙ නව, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව…පෙ… අවිගතෙ තෙරස (සංඛිත්තං).

නහෙතුයා පන්නරස, නආරම්මණෙ පන්නරස (සංඛිත්තං).

ආරම්මණපච්චයා නහෙතුයා සත්ත (සංඛිත්තං).

නහෙතුපච්චයා ආරම්මණෙ සත්ත (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)