1-6. පටිච්චවාරාදි

පච්චයචතුක්කං

හෙතු-ආරම්මණපච්චයා

153. සෙක්ඛං නහෙතුං ධම්මං පටිච්ච සෙක්ඛො නහෙතු ධම්මො උප්පජ්ජති හෙතුපච්චයා. සෙක්ඛං නහෙතුං ධම්මං පටිච්ච නෙවසෙක්ඛනාසෙක්ඛො නහෙතු ධම්මො උප්පජ්ජති හෙතුපච්චයා. සෙක්ඛං නහෙතුං ධම්මං පටිච්ච සෙක්ඛො නහෙතු ච නෙවසෙක්ඛනාසෙක්ඛො නහෙතු ච ධම්මා උප්පජ්ජන්ති හෙතුපච්චයා. (3)

අසෙක්ඛං නහෙතුං ධම්මං පටිච්ච අසෙක්ඛො නහෙතු ධම්මො උප්පජ්ජති හෙතුපච්චයා… තීණි.

නෙවසෙක්ඛනාසෙක්ඛං නහෙතුං ධම්මං පටිච්ච නෙවසෙක්ඛනාසෙක්ඛො නහෙතු ධම්මො උප්පජ්ජති හෙතුපච්චයා. (1)

සෙක්ඛං නහෙතුඤ්ච නෙවසෙක්ඛනාසෙක්ඛං නහෙතුඤ්ච ධම්මං පටිච්ච නෙවසෙක්ඛනාසෙක්ඛො නහෙතු ධම්මො උප්පජ්ජති හෙතුපච්චයා. (1)

අසෙක්ඛං නහෙතුඤ්ච නෙවසෙක්ඛනාසෙක්ඛං නහෙතුඤ්ච ධම්මං පටිච්ච නෙවසෙක්ඛනාසෙක්ඛො නහෙතු ධම්මො උප්පජ්ජති හෙතුපච්චයා. (1)

154. සෙක්ඛං නහෙතුං ධම්මං පටිච්ච සෙක්ඛො නහෙතු ධම්මො උප්පජ්ජති ආරම්මණපච්චයා. (1)

අසෙක්ඛං නහෙතුං ධම්මං පටිච්ච අසෙක්ඛො නහෙතු ධම්මො උප්පජ්ජති ආරම්මණපච්චයා. (1)

නෙවසෙක්ඛනාසෙක්ඛං නහෙතුං ධම්මං පටිච්ච නෙවසෙක්ඛනාසෙක්ඛො නහෙතු ධම්මො උප්පජ්ජති ආරම්මණපච්චයා. (1) (සංඛිත්තං.)

හෙතුයා නව, ආරම්මණෙ තීණි, අධිපතියා නව…පෙ… ආසෙවනෙ ද්වෙ…පෙ… අවිගතෙ නව (සංඛිත්තං).

පච්චනීයං

නහෙතුපච්චයො

155. නෙවසෙක්ඛනාසෙක්ඛං නහෙතුං ධම්මං පටිච්ච නෙවසෙක්ඛනාසෙක්ඛො නහෙතු ධම්මො උප්පජ්ජති නහෙතුපච්චයා (සංඛිත්තං).

නහෙතුයා එකං, නආරම්මණෙ පඤ්ච, නඅධිපතියා තීණි…පෙ… නොවිගතෙ පඤ්ච (සංඛිත්තං).

හෙතුපච්චයා නආරම්මණෙ පඤ්ච (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)