7. පඤ්හාවාරො

පච්චයචතුක්කං

156. සෙක්ඛො නහෙතු ධම්මො නෙවසෙක්ඛනාසෙක්ඛස්ස නහෙතුස්ස ධම්මස්ස ආරම්මණපච්චයෙන පච්චයො. (1)

අසෙක්ඛො නහෙතු ධම්මො නෙවසෙක්ඛනාසෙක්ඛස්ස නහෙතුස්ස ධම්මස්ස ආරම්මණපච්චයෙන පච්චයො. (1)

නෙවසෙක්ඛනාසෙක්ඛො නහෙතු ධම්මො නෙවසෙක්ඛනාසෙක්ඛස්ස නහෙතුස්ස ධම්මස්ස ආරම්මණපච්චයෙන පච්චයො. නෙවසෙක්ඛනාසෙක්ඛො නහෙතු ධම්මො සෙක්ඛස්ස නහෙතුස්ස ධම්මස්ස ආරම්මණපච්චයෙන පච්චයො. නෙවසෙක්ඛනාසෙක්ඛො නහෙතු ධම්මො අසෙක්ඛස්ස නහෙතුස්ස ධම්මස්ස ආරම්මණපච්චයෙන පච්චයො. (3)

සෙක්ඛො නහෙතු ධම්මො සෙක්ඛස්ස නහෙතුස්ස ධම්මස්ස අධිපතිපච්චයෙන පච්චයො… තීණි.

අසෙක්ඛො නහෙතු ධම්මො අසෙක්ඛස්ස නහෙතුස්ස ධම්මස්ස අධිපතිපච්චයෙන පච්චයො… තීණි.

නෙවසෙක්ඛනාසෙක්ඛො නහෙතු ධම්මො නෙවසෙක්ඛනාසෙක්ඛස්ස නහෙතුස්ස ධම්මස්ස අධිපතිපච්චයෙන පච්චයො… තීණි (සංඛිත්තං).

157. ආරම්මණෙ පඤ්ච, අධිපතියා නව, අනන්තරෙ අට්ඨ, සමනන්තරෙ අට්ඨ, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ අට්ඨ…පෙ… අවිගතෙ තෙරස (සංඛිත්තං).

නහෙතුයා චුද්දස, නආරම්මණෙ චුද්දස (සංඛිත්තං).

ආරම්මණපච්චයා නහෙතුයා පඤ්ච (සංඛිත්තං).

නහෙතුපච්චයා ආරම්මණෙ පඤ්ච (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)