1-6. පටිච්චවාරාදි

පච්චයචතුක්කං

හෙතු-ආරම්මණපච්චයා

138. ආචයගාමිං නහෙතුං ධම්මං පටිච්ච ආචයගාමී නහෙතු ධම්මො උප්පජ්ජති හෙතුපච්චයා. ආචයගාමිං නහෙතුං ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති හෙතුපච්චයා. ආචයගාමිං නහෙතුං ධම්මං පටිච්ච ආචයගාමී නහෙතු ච නෙවාචයගාමිනාපචයගාමී නහෙතු ච ධම්මා උප්පජ්ජන්ති හෙතුපච්චයා. (3)

අපචයගාමිං නහෙතුං ධම්මං පටිච්ච අපචයගාමී නහෙතු ධම්මො උප්පජ්ජති හෙතුපච්චයා. අපචයගාමිං නහෙතුං ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති හෙතුපච්චයා. අපචයගාමිං නහෙතුං ධම්මං පටිච්ච අපචයගාමී නහෙතු ච නෙවාචයගාමිනාපචයගාමී නහෙතු ච ධම්මා උප්පජ්ජන්ති හෙතුපච්චයා. (3)

නෙවාචයගාමිනාපචයගාමිං නහෙතුං ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති හෙතුපච්චයා. (1)

ආචයගාමිං නහෙතුඤ්ච නෙවාචයගාමිනාපචයගාමිං නහෙතුඤ්ච ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති හෙතුපච්චයා. (1)

අපචයගාමිං නහෙතුඤ්ච නෙවාචයගාමිනාපචයගාමිං නහෙතුඤ්ච ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති හෙතුපච්චයා. (1)

139. ආචයගාමිං නහෙතුං ධම්මං පටිච්ච ආචයගාමී නහෙතු ධම්මො උප්පජ්ජති ආරම්මණපච්චයා. (1)

අපචයගාමිං නහෙතුං ධම්මං පටිච්ච අපචයගාමී නහෙතු ධම්මො උප්පජ්ජති ආරම්මණපච්චයා. (1)

නෙවාචයගාමිනාපචයගාමිං නහෙතුං ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති ආරම්මණපච්චයා. (1) (සංඛිත්තං.)

හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං).

නහෙතු-නආරම්මණපච්චයා

140. නෙවාචයගාමිනාපචයගාමිං නහෙතුං ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති නහෙතුපච්චයා. (1)

ආචයගාමිං නහෙතුං ධම්මං පටිච්ච නෙවාචයගාමිනාපචයගාමී නහෙතු ධම්මො උප්පජ්ජති නආරම්මණපච්චයා (සංඛිත්තං).

141. නහෙතුයා එකං, නආරම්මණෙ පඤ්ච, නඅධිපතියා ඡ…පෙ… නොවිගතෙ පඤ්ච (සංඛිත්තං).

හෙතුපච්චයා නආරම්මණෙ පඤ්ච (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙබ්බං.)