7. පඤ්හාවාරො

පච්චයචතුක්කං

142. ආචයගාමී නහෙතු ධම්මො ආචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. ආචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. (2)

අපචයගාමී නහෙතු ධම්මො ආචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. අපචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. (2)

නෙවාචයගාමිනාපචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. නෙවාචයගාමිනාපචයගාමී නහෙතු ධම්මො ආචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. නෙවාචයගාමිනාපචයගාමී නහෙතු ධම්මො අපචයගාමිස්ස නහෙතුස්ස ධම්මස්ස ආරම්මණපච්චයෙන පච්චයො. (3)

143. ආචයගාමී නහෙතු ධම්මො ආචයගාමිස්ස නහෙතුස්ස ධම්මස්ස අධිපතිපච්චයෙන පච්චයො… තීණි.

අපචයගාමී නහෙතු ධම්මො අපචයගාමිස්ස නහෙතුස්ස ධම්මස්ස අධිපතිපච්චයෙන පච්චයො. අපචයගාමී නහෙතු ධම්මො ආචයගාමිස්ස නහෙතුස්ස ධම්මස්ස අධිපතිපච්චයෙන පච්චයො. අපචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස අධිපතිපච්චයෙන පච්චයො. අපචයගාමී නහෙතු ධම්මො අපචයගාමිස්ස නහෙතුස්ස ච නෙවාචයගාමිනාපචයගාමිස්ස නහෙතුස්ස ච ධම්මස්ස අධිපතිපච්චයෙන පච්චයො. (4)

144. නෙවාචයගාමිනාපචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස අධිපතිපච්චයෙන පච්චයො… තීණි.

ආචයගාමී නහෙතු ධම්මො ආචයගාමිස්ස නහෙතුස්ස ධම්මස්ස අනන්තරපච්චයෙන පච්චයො. ආචයගාමී නහෙතු ධම්මො අපචයගාමිස්ස නහෙතුස්ස ධම්මස්ස අනන්තරපච්චයෙන පච්චයො. ආචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස අනන්තරපච්චයෙන පච්චයො. (3)

අපචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස අනන්තරපච්චයෙන පච්චයො. (1)

නෙවාචයගාමිනාපචයගාමී නහෙතු ධම්මො නෙවාචයගාමිනාපචයගාමිස්ස නහෙතුස්ස ධම්මස්ස අනන්තරපච්චයෙන පච්චයො. නෙවාචයගාමිනාපචයගාමී නහෙතු ධම්මො ආචයගාමිස්ස නහෙතුස්ස ධම්මස්ස අනන්තරපච්චයෙන පච්චයො. (2)…පෙ….

ආචයගාමී නහෙතු ධම්මො ආචයගාමිස්ස නහෙතුස්ස ධම්මස්ස උපනිස්සයපච්චයෙන පච්චයො (සංඛිත්තං).

145. ආරම්මණෙ සත්ත, අධිපතියා දස, අනන්තරෙ ඡ සමනන්තරෙ ඡ, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ නව…පෙ… අවිගතෙ තෙරස (සංඛිත්තං).

නහෙතුයා පන්නරස, නආරම්මණෙ පන්නරස (සංඛිත්තං).

ආරම්මණපච්චයා නහෙතුයා සත්ත (සංඛිත්තං).

නහෙතුපච්චයා ආරම්මණෙ සත්ත (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)