1-7. පටිච්චවාරාදි
පච්චයචතුක්කං
හෙතුපච්චයො
132. ආචයගාමිං හෙතුං ධම්මං පටිච්ච ආචයගාමී හෙතු ධම්මො උප්පජ්ජති හෙතුපච්චයා. (1)
අපචයගාමිං හෙතුං ධම්මං පටිච්ච අපචයගාමී හෙතු ධම්මො උප්පජ්ජති හෙතුපච්චයා. (1)
නෙවාචයගාමිනාපචයගාමිං හෙතුං ධම්මං පටිච්ච නෙවාචයගාමිනාපචයගාමී හෙතු ධම්මො උප්පජ්ජති හෙතුපච්චයා. (1) (සංඛිත්තං.)
133. හෙතුයා තීණි, ආරම්මණෙ තීණි, අධිපතියා තීණි (සබ්බත්ථ තීණි).
නඅධිපතියා තීණි, නආසෙවනෙ ද්වෙ, නවිපාකෙ තීණි, නවිප්පයුත්තෙ තීණි (සංඛිත්තං).
හෙතුපච්චයා නඅධිපතියා තීණි (සංඛිත්තං).
නඅධිපතිපච්චයා හෙතුයා තීණි (සංඛිත්තං).
(සහජාතවාරම්පි…පෙ… සම්පයුත්තවාරම්පි පටිච්චවාරසදිසං විත්ථාරෙතබ්බං.)
හෙතුආරම්මණපච්චයාදි
134. ආචයගාමී හෙතු ධම්මො ආචයගාමිස්ස හෙතුස්ස ධම්මස්ස හෙතුපච්චයෙන පච්චයො. (1)
අපචයගාමී හෙතු ධම්මො අපචයගාමිස්ස හෙතුස්ස ධම්මස්ස හෙතුපච්චයෙන පච්චයො. (1)
නෙවාචයගාමිනාපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස හෙතුපච්චයෙන පච්චයො. (1)
ආචයගාමී හෙතු ධම්මො ආචයගාමිස්ස හෙතුස්ස ධම්මස්ස ආරම්මණපච්චයෙන පච්චයො. ආචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස ආරම්මණපච්චයෙන පච්චයො. (2)
අපචයගාමී හෙතු ධම්මො ආචයගාමිස්ස හෙතුස්ස ධම්මස්ස ආරම්මණපච්චයෙන පච්චයො. අපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස ආරම්මණපච්චයෙන පච්චයො. (2)
නෙවාචයගාමිනාපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස ආරම්මණපච්චයෙන පච්චයො. නෙවාචයගාමිනාපචයගාමී හෙතු ධම්මො ආචයගාමිස්ස හෙතුස්ස ධම්මස්ස ආරම්මණපච්චයෙන පච්චයො. (2)
135. ආචයගාමී හෙතු ධම්මො ආචයගාමිස්ස හෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති. (1)
අපචයගාමී හෙතු ධම්මො අපචයගාමිස්ස හෙතුස්ස ධම්මස්ස අධිපතිපච්චයෙන පච්චයො – සහජාතාධිපති…. අපචයගාමී හෙතු ධම්මො ආචයගාමිස්ස හෙතුස්ස ධම්මස්ස අධිපතිපච්චයෙන පච්චයො. අපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස අධිපතිපච්චයෙන පච්චයො – ආරම්මණාධිපති…. (3)
නෙවාචයගාමිනාපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස අධිපතිපච්චයෙන පච්චයො. නෙවාචයගාමිනාපචයගාමී හෙතු ධම්මො ආචයගාමිස්ස හෙතුස්ස ධම්මස්ස අධිපතිපච්චයෙන පච්චයො.
136. ආචයගාමී හෙතු ධම්මො ආචයගාමිස්ස හෙතුස්ස ධම්මස්ස අනන්තරපච්චයෙන පච්චයො. ආචයගාමී හෙතු ධම්මො අපචයගාමිස්ස හෙතුස්ස ධම්මස්ස අනන්තරපච්චයෙන පච්චයො. ආචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස අනන්තරපච්චයෙන පච්චයො. (3)
අපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස අනන්තරපච්චයෙන පච්චයො. (1)
නෙවාචයගාමිනාපචයගාමී හෙතු ධම්මො නෙවාචයගාමිනාපචයගාමිස්ස හෙතුස්ස ධම්මස්ස අනන්තරපච්චයෙන පච්චයො. (1) (සංඛිත්තං.)
137. හෙතුයා තීණි, ආරම්මණෙ ඡ, අධිපතියා ඡ, අනන්තරෙ පඤ්ච, සමනන්තරෙ පඤ්ච, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ අට්ඨ, ආසෙවනෙ තීණි, විපාකෙ එකං…පෙ… අවිගතෙ තීණි (සංඛිත්තං).
නහෙතුයා අට්ඨ, නආරම්මණෙ අට්ඨ (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ ඡ (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)