1-7. පටිච්චවාරාදි
පච්චයචතුක්කං
114. දස්සනෙන පහාතබ්බං හෙතුං ධම්මං පටිච්ච දස්සනෙන පහාතබ්බො හෙතු ධම්මො උප්පජ්ජති හෙතුපච්චයා. (1)
භාවනාය පහාතබ්බං හෙතුං ධම්මං පටිච්ච භාවනාය පහාතබ්බො හෙතු ධම්මො උප්පජ්ජති හෙතුපච්චයා. (1)
නෙවදස්සනෙන නභාවනාය පහාතබ්බං හෙතුං ධම්මං පටිච්ච නෙවදස්සනෙන නභාවනාය පහාතබ්බො හෙතු ධම්මො උප්පජ්ජති හෙතුපච්චයා (සංඛිත්තං).
115. හෙතුයා තීණි (සබ්බත්ථ තීණි), විපාකෙ එකං…පෙ… අවිගතෙ තීණි.
නඅධිපතියා තීණි, නපුරෙජාතෙ තීණි…පෙ… නවිප්පයුත්තෙ තීණි (සංඛිත්තං. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං).
116. දස්සනෙන පහාතබ්බො හෙතු ධම්මො දස්සනෙන පහාතබ්බස්ස හෙතුස්ස ධම්මස්ස හෙතුපච්චයෙන පච්චයො… තීණි.
දස්සනෙන පහාතබ්බො හෙතු ධම්මො දස්සනෙන පහාතබ්බස්ස හෙතුස්ස ධම්මස්ස ආරම්මණපච්චයෙන පච්චයො (සංඛිත්තං).
117. හෙතුයා තීණි, ආරම්මණෙ අට්ඨ, අධිපතියා ඡ, අනන්තරෙ පඤ්ච, සමනන්තරෙ පඤ්ච, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ අට්ඨ, ආසෙවනෙ තීණි, විපාකෙ එකං, ඉන්ද්‍රියෙ එකං, මග්ගෙ එකං…පෙ… අවිගතෙ තීණි (සංඛිත්තං).
නහෙතුයා අට්ඨ, නආරම්මණෙ අට්ඨ (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ අට්ඨ (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)