1-6. පටිච්චවාරාදි

පච්චයචතුක්කං

හෙතු-ආරම්මණපච්චයා

118. දස්සනෙන පහාතබ්බං නහෙතුං ධම්මං පටිච්ච දස්සනෙන පහාතබ්බො නහෙතු ධම්මො උප්පජ්ජති හෙතුපච්චයා. දස්සනෙන පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති හෙතුපච්චයා. දස්සනෙන පහාතබ්බං නහෙතුං ධම්මං පටිච්ච දස්සනෙන පහාතබ්බො නහෙතු ච නෙවදස්සනෙන නභාවනාය පහාතබ්බො නහෙතු ච ධම්මා උප්පජ්ජන්ති හෙතුපච්චයා… තීණි.

භාවනාය පහාතබ්බං නහෙතුං ධම්මං පටිච්ච භාවනාය පහාතබ්බො නහෙතු ධම්මො උප්පජ්ජති හෙතුපච්චයා. භාවනාය පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති හෙතුපච්චයා. භාවනාය පහාතබ්බං නහෙතුං ධම්මං පටිච්ච භාවනාය පහාතබ්බො නහෙතු ච නෙවදස්සනෙන නභාවනාය පහාතබ්බො නහෙතු ච ධම්මා උප්පජ්ජන්ති හෙතුපච්චයා… තීණි.

නෙවදස්සනෙන නභාවනාය පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති හෙතුපච්චයා. (1)

දස්සනෙන පහාතබ්බං නහෙතුඤ්ච නෙවදස්සනෙන නභාවනාය පහාතබ්බං නහෙතුඤ්ච ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති හෙතුපච්චයා. (1)

භාවනාය පහාතබ්බං නහෙතුඤ්ච නෙවදස්සනෙන නභාවනාය පහාතබ්බං නහෙතුඤ්ච ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති හෙතුපච්චයා. (1)

දස්සනෙන පහාතබ්බං නහෙතුං ධම්මං පටිච්ච දස්සනෙන පහාතබ්බො නහෙතු ධම්මො උප්පජ්ජති ආරම්මණපච්චයා. (1)

භාවනාය පහාතබ්බං නහෙතුං ධම්මං පටිච්ච භාවනාය පහාතබ්බො නහෙතු ධම්මො උප්පජ්ජති ආරම්මණපච්චයා. (1)

නෙවදස්සනෙන නභාවනාය පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති ආරම්මණපච්චයා (සංඛිත්තං).

119. හෙතුයා නව, ආරම්මණෙ තීණි, අධිපතියා නව…පෙ… අවිගතෙ නව (සංඛිත්තං).

නහෙතු-නආරම්මණපච්චයා

120. නෙවදස්සනෙන නභාවනාය පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති නහෙතුපච්චයා.

දස්සනෙන පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති නආරම්මණපච්චයා. (1)

භාවනාය පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති නආරම්මණපච්චයා. (1)

නෙවදස්සනෙන නභාවනාය පහාතබ්බං නහෙතුං ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති නආරම්මණපච්චයා. (1)

දස්සනෙන පහාතබ්බං නහෙතුඤ්ච නෙවදස්සනෙන නභාවනාය පහාතබ්බං නහෙතුඤ්ච ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති නආරම්මණපච්චයා. (1)

භාවනාය පහාතබ්බං නහෙතුඤ්ච නෙවදස්සනෙන නභාවනාය පහාතබ්බං නහෙතුඤ්ච ධම්මං පටිච්ච නෙවදස්සනෙන නභාවනාය පහාතබ්බො නහෙතු ධම්මො උප්පජ්ජති නආරම්මණපච්චයා. (1) (සංඛිත්තං.)

121. නහෙතුයා එකං, නආරම්මණෙ පඤ්ච, නඅධිපතියා නව…පෙ… නොවිගතෙ පඤ්ච (සංඛිත්තං).

හෙතුපච්චයා නආරම්මණෙ පඤ්ච (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසං විත්ථාරෙතබ්බං.)