1-6. පටිච්චවාරාදි

පච්චයචතුක්කං

හෙතු-ආරම්මණපච්චයා

107. පීතිසහගතං නහෙතුං ධම්මං පටිච්ච පීතිසහගතො නහෙතු ධම්මො උප්පජ්ජති හෙතුපච්චයා. පීතිසහගතං නහෙතුං ධම්මං පටිච්ච සුඛසහගතො නහෙතු ධම්මො උප්පජ්ජති හෙතුපච්චයා. පීතිසහගතං නහෙතුං ධම්මං පටිච්ච පීතිසහගතො නහෙතු ච සුඛසහගතො නහෙතු ච ධම්මා උප්පජ්ජන්ති හෙතුපච්චයා. (3)

සුඛසහගතං නහෙතුං ධම්මං පටිච්ච සුඛසහගතො නහෙතු ධම්මො උප්පජ්ජති හෙතුපච්චයා. සුඛසහගතං නහෙතුං ධම්මං පටිච්ච පීතිසහගතො නහෙතු ධම්මො උප්පජ්ජති හෙතුපච්චයා. සුඛසහගතං නහෙතුං ධම්මං පටිච්ච පීතිසහගතො නහෙතු ච සුඛසහගතො නහෙතු ච ධම්මා උප්පජ්ජන්ති හෙතුපච්චයා. (3)

උපෙක්ඛාසහගතං නහෙතුං ධම්මං පටිච්ච උපෙක්ඛාසහගතො නහෙතුධම්මො උප්පජ්ජති හෙතුපච්චයා. (1)

පීතිසහගතං නහෙතුඤ්ච සුඛසහගතං නහෙතුඤ්ච ධම්මං පටිච්ච පීතිසහගතො නහෙතු ධම්මො උප්පජ්ජති හෙතුපච්චයා. පීතිසහගතං නහෙතුඤ්ච සුඛසහගතං නහෙතුඤ්ච ධම්මං පටිච්ච සුඛසහගතො නහෙතු ධම්මො උප්පජ්ජති හෙතුපච්චයා. පීතිසහගතං නහෙතුඤ්ච සුඛසහගතං නහෙතුඤ්ච ධම්මං පටිච්ච පීතිසහගතො නහෙතු ච සුඛසහගතො නහෙතු ච ධම්මා උප්පජ්ජන්ති හෙතුපච්චයා. (3)

108. පීතිසහගතං නහෙතුං ධම්මං පටිච්ච පීතිසහගතො නහෙතු ධම්මො උප්පජ්ජති ආරම්මණපච්චයා… තීණි.

සුඛසහගතං නහෙතුං ධම්මං පටිච්ච සුඛසහගතො නහෙතු ධම්මො උප්පජ්ජති ආරම්මණපච්චයා… තීණි.

උපෙක්ඛාසහගතං නහෙතුං ධම්මං පටිච්ච උපෙක්ඛාසහගතො නහෙතු ධම්මො උප්පජ්ජති ආරම්මණපච්චයා… එකං.

පීතිසහගතං නහෙතුඤ්ච සුඛසහගතං නහෙතුඤ්ච ධම්මං පටිච්ච පීතිසහගතො නහෙතු ධම්මො උප්පජ්ජති ආරම්මණපච්චයා… තීණි (සංඛිත්තං).

109. හෙතුයා දස, ආරම්මණෙ දස, අධිපතියා දස, අනන්තරෙ දස…පෙ… අවිගතෙ දස (සංඛිත්තං).

නහෙතුයා දස, නඅධිපතියා දස (සංඛිත්තං. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)

නහෙතුපදං