7. පඤ්හාවාරො

පච්චයචතුක්කං

ආරම්මණපච්චයාදි

110. පීතිසහගතො නහෙතු ධම්මො පීතිසහගතස්ස නහෙතුස්ස ධම්මස්ස ආරම්මණපච්චයෙන පච්චයො. පීතිසහගතො නහෙතු ධම්මො සුඛසහගතස්ස නහෙතුස්ස ධම්මස්ස ආරම්මණපච්චයෙන පච්චයො. පීතිසහගතො නහෙතු ධම්මො උපෙක්ඛාසහගතස්ස නහෙතුස්ස ධම්මස්ස ආරම්මණපච්චයෙන පච්චයො. පීතිසහගතො නහෙතු ධම්මො පීතිසහගතස්ස නහෙතුස්ස ච සුඛසහගතස්ස නහෙතුස්ස ච ධම්මස්ස ආරම්මණපච්චයෙන පච්චයො. (4)

සුඛසහගතො නහෙතු ධම්මො සුඛසහගතස්ස නහෙතුස්ස ධම්මස්ස ආරම්මණපච්චයෙන පච්චයො. සුඛසහගතො නහෙතු ධම්මො පීතිසහගතස්ස නහෙතුස්ස ධම්මස්ස ආරම්මණපච්චයෙන පච්චයො. සුඛසහගතො නහෙතු ධම්මො උපෙක්ඛාසහගතස්ස නහෙතුස්ස ධම්මස්ස ආරම්මණපච්චයෙන පච්චයො. සුඛසහගතො නහෙතු ධම්මො පීතිසහගතස්ස නහෙතුස්ස ච සුඛසහගතස්ස නහෙතුස්ස ච ධම්මස්ස ආරම්මණපච්චයෙන පච්චයො. (4)

උපෙක්ඛාසහගතො නහෙතු ධම්මො උපෙක්ඛාසහගතස්ස නහෙතුස්ස ධම්මස්ස ආරම්මණපච්චයෙන පච්චයො. උපෙක්ඛාසහගතො නහෙතු ධම්මො පීතිසහගතස්ස නහෙතුස්ස ධම්මස්ස ආරම්මණපච්චයෙන පච්චයො. උපෙක්ඛාසහගතො නහෙතු ධම්මො සුඛසහගතස්ස නහෙතුස්ස ධම්මස්ස ආරම්මණපච්චයෙන පච්චයො. උපෙක්ඛාසහගතො නහෙතු ධම්මො පීතිසහගතස්ස නහෙතුස්ස ච සුඛසහගතස්ස නහෙතුස්ස ච ධම්මස්ස ආරම්මණපච්චයෙන පච්චයො. (4)

පීතිසහගතො නහෙතු ච සුඛසහගතො නහෙතු ච ධම්මා පීතිසහගතස්ස නහෙතුස්ස ධම්මස්ස ආරම්මණපච්චයෙන පච්චයො… චත්තාරි.

111. පීතිසහගතො නහෙතු ධම්මො පීතිසහගතස්ස නහෙතුස්ස ධම්මස්ස අධිපතිපච්චයෙන පච්චයො… චත්තාරි.

සුඛසහගතො නහෙතු ධම්මො සුඛසහගතස්ස නහෙතුස්ස ධම්මස්ස අධිපතිපච්චයෙන පච්චයො… චත්තාරි.

උපෙක්ඛාසහගතො නහෙතු ධම්මො උපෙක්ඛාසහගතස්ස නහෙතුස්ස ධම්මස්ස අධිපතිපච්චයෙන පච්චයො… චත්තාරි.

පීතිසහගතො නහෙතු ච සුඛසහගතො නහෙතු ච ධම්මා පීතිසහගතස්ස නහෙතුස්ස ධම්මස්ස අධිපතිපච්චයෙන පච්චයො… චත්තාරි.

112. පීතිසහගතො නහෙතු ධම්මො පීතිසහගතස්ස නහෙතුස්ස ධම්මස්ස අනන්තරපච්චයෙන පච්චයො…පෙ… උපනිස්සයපච්චයෙන පච්චයො… චත්තාරි.

සුඛසහගතො නහෙතු ධම්මො සුඛසහගතස්ස නහෙතුස්ස ධම්මස්ස උපනිස්සයපච්චයෙන පච්චයො… චත්තාරි.

උපෙක්ඛාසහගතො නහෙතු ධම්මො උපෙක්ඛාසහගතස්ස නහෙතුස්ස ධම්මස්ස උපනිස්සයපච්චයෙන පච්චයො… චත්තාරි.

පීතිසහගතො නහෙතු ච සුඛසහගතො නහෙතු ච ධම්මා පීතිසහගතස්ස නහෙතුස්ස ධම්මස්ස උපනිස්සයපච්චයෙන පච්චයො… චත්තාරි (සංඛිත්තං).

113. ආරම්මණෙ සොළස, අධිපතියා සොළස, සහජාතෙ දස, අඤ්ඤමඤ්ඤෙ දස, නිස්සයෙ දස, උපනිස්සයෙ සොළස, ආහාරෙ දස…පෙ… අවිගතෙ දස (සංඛිත්තං).

නහෙතුයා සොළස, නආරම්මණෙ සොළස, නඅධිපතියා සොළස (සංඛිත්තං).

ආරම්මණපච්චයා නහෙතුයා සොළස (සංඛිත්තං).

නහෙතුපච්චයා ආරම්මණෙ සොළස (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)