7. පඤ්හාවාරො
පච්චයචතුක්කං
හෙතුආරම්මණපච්චයාදි
104. පීතිසහගතො හෙතු ධම්මො පීතිසහගතස්ස හෙතුස්ස ධම්මස්ස හෙතුපච්චයෙන පච්චයො… තීණි.
සුඛසහගතො හෙතු ධම්මො සුඛසහගතස්ස හෙතුස්ස ධම්මස්ස හෙතුපච්චයෙන පච්චයො… තීණි.
උපෙක්ඛාසහගතො හෙතු ධම්මො උපෙක්ඛාසහගතස්ස හෙතුස්ස ධම්මස්ස හෙතුපච්චයෙන පච්චයො… එකං.
පීතිසහගතො හෙතු ච සුඛසහගතො හෙතු ච ධම්මා පීතිසහගතස්ස හෙතුස්ස ධම්මස්ස හෙතුපච්චයෙන පච්චයො… තීණි.
105. පීතිසහගතො හෙතු ධම්මො පීතිසහගතස්ස හෙතුස්ස ධම්මස්ස ආරම්මණපච්චයෙන පච්චයො. පීතිසහගතො හෙතු ධම්මො සුඛසහගතස්ස හෙතුස්ස ධම්මස්ස ආරම්මණපච්චයෙන පච්චයො. පීතිසහගතො හෙතු ධම්මො උපෙක්ඛාසහගතස්ස හෙතුස්ස ධම්මස්ස ආරම්මණපච්චයෙන පච්චයො. පීතිසහගතො හෙතු ධම්මො පීතිසහගතස්ස හෙතුස්ස ච සුඛසහගතස්ස හෙතුස්ස ච ධම්මස්ස ආරම්මණපච්චයෙන පච්චයො… චත්තාරි.
සුඛසහගතො හෙතු ධම්මො සුඛසහගතස්ස හෙතුස්ස ධම්මස්ස ආරම්මණපච්චයෙන පච්චයො. සුඛසහගතො හෙතු ධම්මො පීතිසහගතස්ස හෙතුස්ස ධම්මස්ස ආරම්මණපච්චයෙන පච්චයො. සුඛසහගතො හෙතු ධම්මො උපෙක්ඛාසහගතස්ස හෙතුස්ස ධම්මස්ස ආරම්මණපච්චයෙන පච්චයො. සුඛසහගතො හෙතු ධම්මො පීතිසහගතස්ස හෙතුස්ස ච සුඛසහගතස්ස හෙතුස්ස ච ධම්මස්ස ආරම්මණපච්චයෙන පච්චයො… චත්තාරි.
උපෙක්ඛාසහගතො හෙතු ධම්මො උපෙක්ඛාසහගතස්ස හෙතුස්ස ධම්මස්ස ආරම්මණපච්චයෙන පච්චයො. උපෙක්ඛාසහගතො හෙතු ධම්මො පීතිසහගතස්ස හෙතුස්ස ධම්මස්ස ආරම්මණපච්චයෙන පච්චයො. උපෙක්ඛාසහගතො හෙතු ධම්මො සුඛසහගතස්ස හෙතුස්ස ධම්මස්ස ආරම්මණපච්චයෙන පච්චයො. උපෙක්ඛාසහගතො හෙතු ධම්මො පීතිසහගතස්ස හෙතුස්ස ච සුඛසහගතස්ස හෙතුස්ස ච ධම්මස්ස ආරම්මණපච්චයෙන පච්චයො… චත්තාරි.
පීතිසහගතො හෙතු ච සුඛසහගතො හෙතු ච ධම්මා පීතිසහගතස්ස හෙතුස්ස ධම්මස්ස ආරම්මණපච්චයෙන පච්චයො… චත්තාරි.
පීතිසහගතො හෙතු ධම්මො පීතිසහගතස්ස හෙතුස්ස ධම්මස්ස අධිපතිපච්චයෙන පච්චයො.
106. හෙතුයා දස, ආරම්මණෙ සොළස, අධිපතියා සොළස, අනන්තරෙ සොළස, සමනන්තරෙ සොළස, සහජාතෙ දස, අඤ්ඤමඤ්ඤෙ දස, නිස්සයෙ දස, උපනිස්සයෙ සොළස…පෙ… විපාකෙ දස…පෙ… අවිගතෙ දස (සංඛිත්තං).
නහෙතුයා සොළස, නආරම්මණෙ සොළස (සංඛිත්තං).
හෙතුපච්චයා නආරම්මණෙ දස (සංඛිත්තං).
නහෙතුපච්චයා ආරම්මණෙ සොළස (සංඛිත්තං).
(යථා කුසලත්තිකෙ පඤ්හාවාරං, එවං විත්ථාරෙතබ්බං.)