1-6. පටිච්චවාරාදි

පච්චයචතුක්කං

102. පීතිසහගතං හෙතුං ධම්මං පටිච්ච පීතිසහගතො හෙතු ධම්මො උප්පජ්ජති හෙතුපච්චයා… තීණි.

සුඛසහගතං හෙතුං ධම්මං පටිච්ච සුඛසහගතො හෙතු ධම්මො උප්පජ්ජති හෙතුපච්චයා… තීණි.

උපෙක්ඛාසහගතං හෙතුං ධම්මං පටිච්ච උපෙක්ඛාසහගතො හෙතු ධම්මො උප්පජ්ජති හෙතුපච්චයා… එකං.

පීතිසහගතං හෙතුඤ්ච සුඛසහගතං හෙතුඤ්ච ධම්මං පටිච්ච පීතිසහගතො හෙතු ධම්මො උප්පජ්ජති හෙතුපච්චයා… තීණි (සංඛිත්තං).

103. හෙතුයා දස, ආරම්මණෙ දස…පෙ… අවිගතෙ දස (සංඛිත්තං).

නඅධිපතියා දස, නපුරෙජාතෙ දස, නපච්ඡාජාතෙ දස, නආසෙවනෙ දස, නවිපාකෙ දස, නවිප්පයුත්තෙ දස (සංඛිත්තං).

(සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)