1-6. පටිච්චවාරාදි
පච්චයචතුක්කං
හෙතු-ආරම්මණපච්චයා
1. කුසලං හෙතුං ධම්මං පටිච්ච කුසලො හෙතු ධම්මො උප්පජ්ජති හෙතුපච්චයා.
අකුසලං හෙතුං ධම්මං පටිච්ච අකුසලො හෙතු ධම්මො උප්පජ්ජති හෙතුපච්චයා. (1)
අබ්‍යාකතං හෙතුං ධම්මං පටිච්ච අබ්‍යාකතො හෙතු ධම්මො උප්පජ්ජති හෙතුපච්චයා. (1)
2. කුසලං හෙතුං ධම්මං පටිච්ච කුසලො හෙතු ධම්මො උප්පජ්ජති ආරම්මණපච්චයා. (1)
අකුසලං හෙතුං ධම්මං පටිච්ච අකුසලො හෙතු ධම්මො උප්පජ්ජති ආරම්මණපච්චයා. (1)
අබ්‍යාකතං හෙතුං ධම්මං පටිච්ච අබ්‍යාකතො හෙතු ධම්මො උප්පජ්ජති ආරම්මණපච්චයා. (1) (සංඛිත්තං.)
3. හෙතුයා තීණි, ආරම්මණෙ තීණි, අධිපතියා තීණි, අනන්තරෙ තීණි, සමනන්තරෙ තීණි, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ තීණි, විපාකෙ එකං, ආහාරෙ තීණි…පෙ… අවිගතෙ තීණි (සංඛිත්තං).
පච්චනීයං –නඅධිපතිපච්චයො
4. කුසලං හෙතුං ධම්මං පටිච්ච කුසලො හෙතු ධම්මො උප්පජ්ජති නඅධිපතිපච්චයා. (1)
අකුසලං හෙතුං ධම්මං පටිච්ච අකුසලො හෙතු ධම්මො උප්පජ්ජති නඅධිපතිපච්චයා. (1)
අබ්‍යාකතං හෙතුං ධම්මං පටිච්ච අබ්‍යාකතො හෙතු ධම්මො උප්පජ්ජති නඅධිපතිපච්චයා. (1) (සංඛිත්තං.)
5. නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නවිප්පයුත්තෙ තීණි (සංඛිත්තං).
හෙතුපච්චයා නඅධිපතියා තීණි (සංඛිත්තං).
නඅධිපතිපච්චයා හෙතුයා තීණි (සංඛිත්තං).
(සහජාතවාරෙපි පච්චයවාරෙපි නිස්සයවාරෙපි සංසට්ඨවාරෙපි සම්පයුත්තවාරෙපි සබ්බත්ථ තීණි.)