7. පඤ්හාවාරො
පච්චයචතුක්කං
හෙතුආරම්මණපච්චයාදි
6. කුසලො හෙතු ධම්මො කුසලස්ස හෙතුස්ස ධම්මස්ස හෙතුපච්චයෙන පච්චයො. (1)
අකුසලො හෙතු ධම්මො අකුසලස්ස හෙතුස්ස ධම්මස්ස හෙතුපච්චයෙන පච්චයො. (1)
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස හෙතුපච්චයෙන පච්චයො. (1)
7. කුසලො හෙතු ධම්මො කුසලස්ස හෙතුස්ස ධම්මස්ස ආරම්මණපච්චයෙන පච්චයො. කුසලො හෙතු ධම්මො අකුසලස්ස හෙතුස්ස ධම්මස්ස ආරම්මණපච්චයෙන පච්චයො. කුසලො හෙතු ධම්මො අබ්‍යාකතස්ස හෙතුස්ස ධම්මස්ස ආරම්මණපච්චයෙන පච්චයො. (3)
අකුසලො හෙතු ධම්මො අකුසලස්ස හෙතුස්ස ධම්මස්ස ආරම්මණපච්චයෙන පච්චයො… තීණි.
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස ආරම්මණපච්චයෙන පච්චයො… තීණි.
8. කුසලො හෙතු ධම්මො කුසලස්ස හෙතුස්ස ධම්මස්ස අධිපතිපච්චයෙන පච්චයො. කුසලො හෙතු ධම්මො අකුසලස්ස හෙතුස්ස ධම්මස්ස අධිපතිපච්චයෙන පච්චයො. කුසලො හෙතු ධම්මො අබ්‍යාකතස්ස හෙතුස්ස ධම්මස්ස අධිපතිපච්චයෙන පච්චයො… තීණි.
අකුසලො හෙතු ධම්මො අකුසලස්ස හෙතුස්ස ධම්මස්ස අධිපතිපච්චයෙන පච්චයො. (1)
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස අධිපතිපච්චයෙන පච්චයො. අබ්‍යාකතො හෙතු ධම්මො කුසලස්ස හෙතුස්ස ධම්මස්ස අධිපතිපච්චයෙන පච්චයො. අබ්‍යාකතො හෙතු ධම්මො අකුසලස්ස හෙතුස්ස ධම්මස්ස අධිපතිපච්චයෙන පච්චයො… තීණි.
අනන්තරපච්චයාදි
9. කුසලො හෙතු ධම්මො කුසලස්ස හෙතුස්ස ධම්මස්ස අනන්තරපච්චයෙන පච්චයො… ද්වෙ.
අකුසලො හෙතු ධම්මො අකුසලස්ස හෙතුස්ස ධම්මස්ස අනන්තරපච්චයෙන පච්චයො… ද්වෙ.
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස අනන්තරපච්චයෙන පච්චයො (1)
10. කුසලො හෙතු ධම්මො කුසලස්ස හෙතුස්ස ධම්මස්ස සහජාතපච්චයෙන පච්චයො. (1)
අකුසලො හෙතු ධම්මො අකුසලස්ස හෙතුස්ස ධම්මස්ස සහජාතපච්චයෙන පච්චයො. (1)
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස සහජාතපච්චයෙන පච්චයො. (1)
(අඤ්ඤමඤ්ඤනිස්සයපච්චයා සහජාතපච්චයසදිසා).
උපනිස්සයපච්චයාදි
11. කුසලො හෙතු ධම්මො කුසලස්ස හෙතුස්ස ධම්මස්ස උපනිස්සයපච්චයෙන පච්චයො. කුසලො හෙතු ධම්මො අකුසලස්ස හෙතුස්ස ධම්මස්ස උපනිස්සයපච්චයෙන පච්චයො. කුසලො හෙතු ධම්මො අබ්‍යාකතස්ස හෙතුස්ස ධම්මස්ස උපනිස්සයපච්චයෙන පච්චයො. (3)
අකුසලො හෙතු ධම්මො අකුසලස්ස හෙතුස්ස ධම්මස්ස උපනිස්සයපච්චයෙන පච්චයො. අකුසලො හෙතු ධම්මො කුසලස්ස හෙතුස්ස ධම්මස්ස උපනිස්සයපච්චයෙන පච්චයො. අකුසලො හෙතු ධම්මො අබ්‍යාකතස්ස හෙතුස්ස ධම්මස්ස උපනිස්සයපච්චයෙන පච්චයො… තීණි. (3)
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස උපනිස්සයපච්චයෙන පච්චයො. අබ්‍යාකතො හෙතු ධම්මො කුසලස්ස හෙතුස්ස ධම්මස්ස උපනිස්සයපච්චයෙන පච්චයො. අබ්‍යාකතො හෙතු ධම්මො අකුසලස්ස හෙතුස්ස ධම්මස්ස උපනිස්සයපච්චයෙන පච්චයො. (3)
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස විපාකපච්චයෙන පච්චයො. (1) (සංඛිත්තං.)
12. හෙතුයා තීණි, ආරම්මණෙ නව, අධිපතියා සත්ත, අනන්තරෙ පඤ්ච, සමනන්තරෙ පඤ්ච, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ නව, ආසෙවනෙ තීණි, විපාකෙ එකං, ඉන්ද්‍රියෙ ද්වෙ, මග්ගෙ ද්වෙ, සම්පයුත්තෙ තීණි, අත්ථියා තීණි, නත්ථියා පඤ්ච, විගතෙ පඤ්ච, අවිගතෙ තීණි (සංඛිත්තං).
පච්චනීයුද්ධාරො
13. කුසලො හෙතු ධම්මො කුසලස්ස හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. කුසලො හෙතු ධම්මො අකුසලස්ස හෙතුස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. කුසලො හෙතු ධම්මො අබ්‍යාකතස්ස හෙතුස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (3)
අකුසලො හෙතු ධම්මො අකුසලස්ස හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. අකුසලො හෙතු ධම්මො කුසලස්ස හෙතුස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. අකුසලො හෙතු ධම්මො අබ්‍යාකතස්ස හෙතුස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (3)
අබ්‍යාකතො හෙතු ධම්මො අබ්‍යාකතස්ස හෙතුස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).
14. නහෙතුයා නව, නආරම්මණෙ නව (සංඛිත්තං).
හෙතුපච්චයා නආරම්මණෙ තීණි (සංඛිත්තං).
නහෙතුපච්චයා ආරම්මණෙ නව (සංඛිත්තං).
(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)