1-6. පටිච්චවාරාදි

පච්චයචතුක්කං

64. සංකිලිට්ඨසංකිලෙසිකං හෙතුං ධම්මං පටිච්ච සංකිලිට්ඨසංකිලෙසිකො හෙතු ධම්මො උප්පජ්ජති හෙතුපච්චයා. (1)

අසංකිලිට්ඨසංකිලෙසිකං හෙතුං ධම්මං පටිච්ච අසංකිලිට්ඨසංකිලෙසිකො හෙතු ධම්මො උප්පජ්ජති හෙතුපච්චයා. (1)

අසංකිලිට්ඨඅසංකිලෙසිකං හෙතුං ධම්මං පටිච්ච අසංකිලිට්ඨඅසංකිලෙසිකො හෙතු ධම්මො උප්පජ්ජති හෙතුපච්චයා. (1) (සංඛිත්තං.)

65. හෙතුයා තීණි, ආරම්මණෙ තීණි…පෙ… අවිගතෙ තීණි (සංඛිත්තං).

නඅධිපතියා තීණි, නපුරෙජාතෙ තීණි, නපච්ඡාජාතෙ තීණි, නආසෙවනෙ තීණි, නවිපාකෙ තීණි, නවිප්පයුත්තෙ තීණි. (සංඛිත්තං.) (සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)