7. පඤ්හාවාරො

පච්චයචතුක්කං

හෙතුආරම්මණපච්චයාදි

66. සංකිලිට්ඨසංකිලෙසිකො හෙතු ධම්මො සංකිලිට්ඨසංකිලෙසිකස්ස හෙතුස්ස ධම්මස්ස හෙතුපච්චයෙන පච්චයො. (1)

අසංකිලිට්ඨසංකිලෙසිකො හෙතු ධම්මො අසංකිලිට්ඨසංකිලෙසිකස්ස හෙතුස්ස ධම්මස්ස හෙතුපච්චයෙන පච්චයො. (1)

අසංකිලිට්ඨඅසංකිලෙසිකො හෙතු ධම්මො අසංකිලිට්ඨඅසංකිලෙසිකස්ස හෙතුස්ස ධම්මස්ස හෙතුපච්චයෙන පච්චයො. (1)

67. සංකිලිට්ඨසංකිලෙසිකො හෙතු ධම්මො සංකිලිට්ඨසංකිලෙසිකස්ස හෙතුස්ස ධම්මස්ස ආරම්මණපච්චයෙන පච්චයො… ද්වෙ.

අසංකිලිට්ඨසංකිලෙසිකො හෙතු ධම්මො අසංකිලිට්ඨසංකිලෙසිකස්ස හෙතුස්ස ධම්මස්ස ආරම්මණපච්චයෙන පච්චයො… ද්වෙ.

අසංකිලිට්ඨඅසංකිලෙසිකො හෙතු ධම්මො අසංකිලිට්ඨසංකිලෙසිකස්ස හෙතුස්ස ධම්මස්ස ආරම්මණපච්චයෙන පච්චයො. (1)

68. සංකිලිට්ඨසංකිලෙසිකො හෙතු ධම්මො සංකිලිට්ඨසංකිලෙසිකස්ස හෙතුස්ස ධම්මස්ස අධිපතිපච්චයෙන පච්චයො. (1)

අසංකිලිට්ඨසංකිලෙසිකො හෙතු ධම්මො අසංකිලිට්ඨසංකිලෙසිකස්ස හෙතුස්ස ධම්මස්ස අධිපතිපච්චයෙන පච්චයො. අසංකිලිට්ඨසංකිලෙසිකො හෙතු ධම්මො සංකිලිට්ඨසංකිලෙසිකස්ස හෙතුස්ස ධම්මස්ස අධිපතිපච්චයෙන පච්චයො. (2)

අසංකිලිට්ඨඅසංකිලෙසිකො හෙතු ධම්මො අසංකිලිට්ඨඅසංකිලෙසිකස්ස හෙතුස්ස ධම්මස්ස අධිපතිපච්චයෙන පච්චයො… ද්වෙ.

69. සංකිලිට්ඨසංකිලෙසිකො හෙතු ධම්මො සංකිලිට්ඨසංකිලෙසිකස්ස හෙතුස්ස ධම්මස්ස අනන්තරපච්චයෙන පච්චයො… ඡ…පෙ….

සංකිලිට්ඨසංකිලෙසිකො හෙතු ධම්මො සංකිලිට්ඨසංකිලෙසිකස්ස හෙතුස්ස ධම්මස්ස උපනිස්සයපච්චයෙන පච්චයො. සංකිලිට්ඨසංකිලෙසිකො හෙතු ධම්මො අසංකිලිට්ඨසංකිලෙසිකස්ස හෙතුස්ස ධම්මස්ස උපනිස්සයපච්චයෙන පච්චයො. සංකිලිට්ඨසංකිලෙසිකො හෙතු ධම්මො අසංකිලිට්ඨඅසංකිලෙසිකස්ස හෙතුස්ස ධම්මස්ස උපනිස්සයපච්චයෙන පච්චයො. (1)

අසංකිලිට්ඨසංකිලෙසිකො හෙතු ධම්මො අසංකිලිට්ඨසංකිලෙසිකස්ස හෙතුස්ස ධම්මස්ස උපනිස්සයපච්චයෙන පච්චයො… තීණි.

අසංකිලිට්ඨඅසංකිලෙසිකො හෙතු ධම්මො අසංකිලිට්ඨඅසංකිලෙසිකස්ස හෙතුස්ස ධම්මස්ස උපනිස්සයපච්චයෙන පච්චයො… ද්වෙ (සංඛිත්තං).

70. හෙතුයා තීණි, ආරම්මණෙ පඤ්ච, අධිපතියා පඤ්ච, අනන්තරෙ ඡ, සමනන්තරෙ ඡ, සහජාතෙ තීණි, අඤ්ඤමඤ්ඤෙ තීණි, නිස්සයෙ තීණි, උපනිස්සයෙ අට්ඨ, ආසෙවනෙ තීණි, විපාකෙ ද්වෙ, ඉන්ද්‍රියෙ ද්වෙ…පෙ… අවිගතෙ තීණි (සංඛිත්තං).

නහෙතුයා අට්ඨ, නආරම්මණෙ අට්ඨ (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ පඤ්ච (සංඛිත්තං).

(යථා කුසලත්තිකෙ පඤ්හාවාරං, එවං විත්ථාරෙතබ්බං.)

නහෙතුපදපච්චයචතුක්කං

71. සංකිලිට්ඨසංකිලෙසිකං නහෙතුං ධම්මං පටිච්ච සංකිලිට්ඨසංකිලෙසිකො නහෙතු ධම්මො උප්පජ්ජති හෙතුපච්චයා. සංකිලිට්ඨසංකිලෙසිකං නහෙතුං ධම්මං පටිච්ච අසංකිලිට්ඨසංකිලෙසිකො නහෙතු ධම්මො උප්පජ්ජති හෙතුපච්චයා. සංකිලිට්ඨසංකිලෙසිකං නහෙතුං ධම්මං පටිච්ච සංකිලිට්ඨසංකිලෙසිකො නහෙතු ච අසංකිලිට්ඨසංකිලෙසිකො නහෙතු ච ධම්මා උප්පජ්ජන්ති හෙතුපච්චයා. (3)

අසංකිලිට්ඨසංකිලෙසිකං නහෙතුං ධම්මං පටිච්ච අසංකිලිට්ඨසංකිලෙසිකො නහෙතු ධම්මො උප්පජ්ජති හෙතුපච්චයා. (1)

අසංකිලිට්ඨඅසංකිලෙසිකං නහෙතුං ධම්මං පටිච්ච අසංකිලිට්ඨඅසංකිලෙසිකො නහෙතු ධම්මො උප්පජ්ජති හෙතුපච්චයා… තීණි.

සංකිලිට්ඨසංකිලෙසිකං නහෙතුඤ්ච අසංකිලිට්ඨසංකිලෙසිකං නහෙතුඤ්ච ධම්මං පටිච්ච අසංකිලිට්ඨසංකිලෙසිකො නහෙතු ධම්මො උප්පජ්ජති හෙතුපච්චයා. (1)

අසංකිලිට්ඨසංකිලෙසිකං නහෙතුඤ්ච අසංකිලිට්ඨඅසංකිලෙසිකං නහෙතුඤ්ච ධම්මං පටිච්ච අසංකිලිට්ඨසංකිලෙසිකො නහෙතු ධම්මො උප්පජ්ජති හෙතුපච්චයා. (1)

72. සංකිලිට්ඨසංකිලෙසිකං නහෙතුං ධම්මං පටිච්ච සංකිලිට්ඨසංකිලෙසිකො නහෙතු ධම්මො උප්පජ්ජති ආරම්මණපච්චයා. (1)

අසංකිලිට්ඨසංකිලෙසිකං නහෙතුං ධම්මං පටිච්ච අසංකිලිට්ඨසංකිලෙසිකො නහෙතු ධම්මො උප්පජ්ජති ආරම්මණපච්චයා. (1)

අසංකිලිට්ඨඅසංකිලෙසිකං නහෙතුං ධම්මං පටිච්ච අසංකිලිට්ඨඅසංකිලෙසිකො නහෙතු ධම්මො උප්පජ්ජති ආරම්මණපච්චයා. (1) (සංඛිත්තං.)

73. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ තීණි, කම්මෙ නව, විපාකෙ පඤ්ච, ආහාරෙ නව…පෙ… අවිගතෙ නව (සංඛිත්තං).

පච්චනීයං –නහෙතුපච්චයො

74. අසංකිලිට්ඨසංකිලෙසිකං නහෙතුං ධම්මං පටිච්ච අසංකිලිට්ඨසංකිලෙසිකො නහෙතු ධම්මො උප්පජ්ජති නහෙතුපච්චයා (සංඛිත්තං).

නහෙතුයා එකං, නආරම්මණෙ පඤ්ච, නඅධිපතියා ඡ, නපුරෙජාතෙ සත්ත…පෙ… නකම්මෙ තීණි…පෙ… නවිප්පයුත්තෙ තීණි…පෙ… නොවිගතෙ පඤ්ච (සංඛිත්තං).

(සහජාතවාරම්පි…පෙ… සම්පයුත්තවාරම්පි විත්ථාරෙතබ්බං.)