1-6. පටිච්චවාරාදි

පච්චයචතුක්කං

23. සවිතක්කං කුසලං ධම්මං පටිච්ච සවිතක්කො කුසලො ධම්මො උප්පජ්ජති හෙතුපච්චයා. සවිතක්කං කුසලං ධම්මං පටිච්ච අවිතක්කො කුසලො ධම්මො උප්පජ්ජති හෙතුපච්චයා. සවිතක්කං කුසලං ධම්මං පටිච්ච සවිතක්කො කුසලො ච අවිතක්කො කුසලො ච ධම්මා උප්පජ්ජන්ති හෙතුපච්චයා. (3)

අවිතක්කං කුසලං ධම්මං පටිච්ච අවිතක්කො කුසලො ධම්මො උප්පජ්ජති හෙතුපච්චයා. අවිතක්කං කුසලං ධම්මං පටිච්ච සවිතක්කො කුසලො ධම්මො උප්පජ්ජති හෙතුපච්චයා. (2)

සවිතක්කං කුසලඤ්ච අවිතක්කං කුසලඤ්ච ධම්මං පටිච්ච සවිතක්කො කුසලො ධම්මො උප්පජ්ජති හෙතුපච්චයා. (1) (සංඛිත්තං.)

24. හෙතුයා ඡ, ආරම්මණෙ ඡ (සබ්බත්ථ ඡ), අවිගතෙ ඡ (සංඛිත්තං).

නඅධිපතියා ඡ, නපුරෙජාතෙ ඡ…පෙ… නකම්මෙ චත්තාරි…පෙ… නවිප්පයුත්තෙ ඡ (සංඛිත්තං. සහජාතවාරම්පි…පෙ… සම්පයුත්තවාරම්පි විත්ථාරෙතබ්බං).