අකුසලපදං
හෙතුපච්චයො
49. සප්පීතිකං අකුසලං ධම්මං පටිච්ච සප්පීතිකො අකුසලො ධම්මො උප්පජ්ජති හෙතුපච්චයා… තීණි.
අප්පීතිකං අකුසලං ධම්මං පටිච්ච අප්පීතිකො අකුසලො ධම්මො උප්පජ්ජති හෙතුපච්චයා… ද්වෙ.
සප්පීතිකං අකුසලඤ්ච අප්පීතිකං අකුසලඤ්ච ධම්මං පටිච්ච සප්පීතිකො අකුසලො ධම්මො උප්පජ්ජති හෙතුපච්චයා. (1) (සංඛිත්තං.)
50. හෙතුයා ඡ, ආරම්මණෙ ඡ…පෙ… අවිගතෙ ඡ (සංඛිත්තං. කුසලසදිසං. සහජාතවාරොපි…පෙ… පඤ්හාවාරොපි විත්ථාරෙතබ්බා).