අබ්‍යාකතපදං
හෙතුපච්චයො
51. සප්පීතිකං අබ්‍යාකතං ධම්මං පටිච්ච සප්පීතිකො අබ්‍යාකතො ධම්මො උප්පජ්ජති හෙතුපච්චයා… තීණි.
අප්පීතිකං අබ්‍යාකතං ධම්මං පටිච්ච අප්පීතිකො අබ්‍යාකතො ධම්මො උප්පජ්ජති හෙතුපච්චයා… තීණි.
සප්පීතිකං අබ්‍යාකතඤ්ච අප්පීතිකං අබ්‍යාකතඤ්ච ධම්මං පටිච්ච සප්පීතිකො අබ්‍යාකතො ධම්මො උප්පජ්ජති හෙතුපච්චයා… තීණි (සංඛිත්තං).
52. හෙතුයා නව, ආරම්මණෙ නව…පෙ… පුරෙජාතෙ ඡ, ආසෙවනෙ ඡ…පෙ… අවිගතෙ නව (සංඛිත්තං).
නහෙතුයා නව, නආරම්මණෙ තීණි, නඅධිපතියා නව…පෙ… නකම්මෙ චත්තාරි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ නව, නසම්පයුත්තෙ තීණි, නවිප්පයුත්තෙ ඡ…පෙ… (සංඛිත්තං. සහජාතවාරාදි විත්ථාරෙතබ්බො).
53. සප්පීතිකො අබ්‍යාකතො ධම්මො සප්පීතිකස්ස අබ්‍යාකතස්ස ධම්මස්ස හෙතුපච්චයෙන පච්චයො (සංඛිත්තං).
54. හෙතුයා චත්තාරි, ආරම්මණෙ නව, අධිපතියා නව, අනන්තරෙ නව…පෙ… (සබ්බත්ථ නව), උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ චත්තාරි, විපාකෙ නව, ආහාරෙ චත්තාරි, ඉන්ද්‍රියෙ චත්තාරි, ඣානෙ නව, මග්ගෙ චත්තාරි, සම්පයුත්තෙ ඡ, විප්පයුත්තෙ පඤ්ච, අත්ථියා නව…පෙ… අවිගතෙ නව (සංඛිත්තං).