4. පච්චයපච්චනීයානුලොමං

නහෙතුදුකං

124. නහෙතුපච්චයා ආරම්මණෙ නව, අධිපතියා දස, අනන්තරෙ සත්ත, සමනන්තරෙ සත්ත, සහජාතෙ එකාදස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ ද්වෙ, කම්මෙ නව, විපාකෙ තීණි, ආහාරෙ සත්ත, ඉන්ද්‍රියෙ නව, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත, අවිගතෙ තෙරස.

තිකං

නහෙතුපච්චයා නආරම්මණපච්චයා අධිපතියා සත්ත…පෙ… අවිගතෙ තෙරස.

(යථා කුසලත්තිකෙ පච්චනීයානුලොමගණනා විත්ථාරිතා, එවං විත්ථාරතබ්බං.)

පච්චනීයානුලොමං.

විපාකත්තිකං නිට්ඨිතං.