3. විපාකත්තිකං

1. පටිච්චවාරො

1. පච්චයානුලොමං

1. විභඞ්ගවාරො

හෙතුපච්චයො

1. විපාකං ධම්මං පටිච්ච විපාකො ධම්මො උප්පජ්ජති හෙතුපච්චයා – විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; පටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා – විපාකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ විපාකෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු. (2)

විපාකං ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා – විපාකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. (3)

2. විපාකධම්මධම්මං පටිච්ච විපාකධම්මධම්මො උප්පජ්ජති හෙතුපච්චයා – විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

විපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා – විපාකධම්මධම්මෙ ඛන්ධෙ පටිච්ච චිත්තසමුට්ඨානං රූපං. (2)

විපාකධම්මධම්මං පටිච්ච විපාකධම්මධම්මො ච නෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා – විපාකධම්මධම්මං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

3. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා – නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා. (2)

නෙවවිපාකනවිපාකධම්මධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා, මහාභූතෙ පටිච්ච කටත්තාරූපං. (3)

4. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති හෙතුපච්චයා – පටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා – විපාකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ විපාකෙ ඛන්ධෙ ච මහාභූතෙ ච පටිච්ච කටත්තාරූපං. (2)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා, විපාකෙ ඛන්ධෙ ච මහාභූතෙ ච පටිච්ච කටත්තාරූපං. (3)

5. විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති හෙතුපච්චයා – විපාකධම්මධම්මෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

ආරම්මණපච්චයො

6. විපාකං ධම්මං පටිච්ච විපාකො ධම්මො උප්පජ්ජති ආරම්මණපච්චයා – විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; පටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

7. විපාකධම්මධම්මං පටිච්ච විපාකධම්මධම්මො උප්පජ්ජති ආරම්මණපච්චයා – විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

8. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති ආරම්මණපච්චයා – නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

නෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා. (2)

9. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති ආරම්මණපච්චයා – පටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

අධිපතිපච්චයො

10. විපාකං ධම්මං පටිච්ච විපාකො ධම්මො උප්පජ්ජති අධිපතිපච්චයා – විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති අධිපතිපච්චයා – විපාකෙ ඛන්ධෙ පටිච්ච චිත්තසමුට්ඨානං රූපං. (2)

විපාකං ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති අධිපතිපච්චයා – විපාකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

විපාකධම්මධම්මං පටිච්ච තීණි.

11. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති අධිපතිපච්චයා – නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

12. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති අධිපතිපච්චයා – විපාකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති අධිපතිපච්චයා – විපාකධම්මධම්මෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අනන්තරපච්චයාදි

13. විපාකං ධම්මං පටිච්ච විපාකො ධම්මො උප්පජ්ජති අනන්තරපච්චයා… සමනන්තරපච්චයා… (ආරම්මණපච්චයසදිසං) සහජාතපච්චයා… (සහජාතං සබ්බං හෙතුපච්චයසදිසං).

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති සහජාතපච්චයා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං (සහජාතෙ ඉදං නානාකරණං).

අඤ්ඤමඤ්ඤපච්චයො

14. විපාකං ධම්මං පටිච්ච විපාකො ධම්මො උප්පජ්ජති අඤ්ඤමඤ්ඤපච්චයා – විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; පටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති අඤ්ඤමඤ්ඤපච්චයා – පටිසන්ධික්ඛණෙ විපාකෙ ඛන්ධෙ පටිච්ච වත්ථු. (2)

විපාකං ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති අඤ්ඤමඤ්ඤපච්චයා – පටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා වත්ථු ච…පෙ… ද්වෙ ඛන්ධෙ පටිච්ච ද්වෙ ඛන්ධා වත්ථු ච. (3)

විපාකධම්මධම්මං පටිච්ච විපාකධම්මධම්මො උප්පජ්ජති අඤ්ඤමඤ්ඤපච්චයා – විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

15. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති අඤ්ඤමඤ්ඤපච්චයා – නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා…පෙ… එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

නෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති අඤ්ඤමඤ්ඤපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා. (2)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති අඤ්ඤමඤ්ඤපච්චයා – පටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

නිස්සයපච්චයාදි

16. විපාකං ධම්මං පටිච්ච විපාකො ධම්මො උප්පජ්ජති නිස්සයපච්චයා (සංඛිත්තං)… උපනිස්සයපච්චයා… පුරෙජාතපච්චයා.

ආසෙවනපච්චයො

17. විපාකධම්මධම්මං පටිච්ච විපාකධම්මධම්මො උප්පජ්ජති ආසෙවනපච්චයා – විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා.

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති ආසෙවනපච්චයා – නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා.

කම්ම-විපාකපච්චයා

18. විපාකං ධම්මං පටිච්ච විපාකො ධම්මො උප්පජ්ජති කම්මපච්චයා (සංඛිත්තං)… විපාකපච්චයා… තීණි.

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති විපාකපච්චයා – එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති විපාකපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා. (2)

නෙවවිපාකනවිපාකධම්මධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති විපාකපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා, මහාභූතෙ පටිච්ච කටත්තාරූපං. (3)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති විපාකපච්චයා…පෙ… නෙවවිපාකනවිපාකධම්මධම්මො උප්පජ්ජති විපාකපච්චයා. විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති විපාකපච්චයා…පෙ….

ආහාරපච්චයාදි

19. විපාකං ධම්මං පටිච්ච විපාකො ධම්මො උප්පජ්ජති ආහාරපච්චයා (සංඛිත්තං)… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා … විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

1. පච්චයානුලොමං

2. සඞ්ඛ්‍යාවාරො

සුද්ධං

20. හෙතුයා තෙරස, ආරම්මණෙ පඤ්ච, අධිපතියා නව, අනන්තරෙ පඤ්ච, සමනන්තරෙ පඤ්ච, සහජාතෙ තෙරස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ පඤ්ච, පුරෙජාතෙ තීණි, ආසෙවනෙ ද්වෙ, කම්මෙ තෙරස, විපාකෙ නව, ආහාරෙ තෙරස, ඉන්ද්‍රියෙ තෙරස, ඣානෙ තෙරස, මග්ගෙ තෙරස, සම්පයුත්තෙ පඤ්ච, විප්පයුත්තෙ තෙරස, අත්ථියා තෙරස, නත්ථියා පඤ්ච, විගතෙ පඤ්ච, අවිගතෙ තෙරස.

හෙතුදුකං

21. හෙතුපච්චයා ආරම්මණෙ පඤ්ච…පෙ… අවිගතෙ තෙරස…පෙ….

(යථා කුසලත්තිකස්ස ගණනා, එවං ගණෙතබ්බං.)

ආසෙවනදුකං

22. ආසෙවනපච්චයා හෙතුයා ද්වෙ, ආරම්මණෙ ද්වෙ, අධිපතියා ද්වෙ, අනන්තරෙ ද්වෙ, සමනන්තරෙ ද්වෙ, සහජාතෙ ද්වෙ, අඤ්ඤමඤ්ඤෙ ද්වෙ, නිස්සයෙ ද්වෙ, උපනිස්සයෙ ද්වෙ, පුරෙජාතෙ ද්වෙ, කම්මෙ ද්වෙ, ආහාරෙ ද්වෙ, ඉන්ද්‍රියෙ ද්වෙ, ඣානෙ ද්වෙ, මග්ගෙ ද්වෙ, සම්පයුත්තෙ ද්වෙ, විප්පයුත්තෙ ද්වෙ, අත්ථියා ද්වෙ, නත්ථියා ද්වෙ, විගතෙ ද්වෙ, අවිගතෙ ද්වෙ…පෙ….

විපාකදුකං

23. විපාකපච්චයා හෙතුයා නව, ආරම්මණෙ තීණි, අධිපතියා පඤ්ච, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ ඡ, නිස්සයෙ නව, උපනිස්සයෙ තීණි, පුරෙජාතෙ එකං, කම්මෙ නව, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව (සංඛිත්තං).

අනුලොමගණනා.

2. පච්චයපච්චනීයං

1. විභඞ්ගවාරො

නහෙතුපච්චයො

24. විපාකං ධම්මං පටිච්ච විපාකො ධම්මො උප්පජ්ජති නහෙතුපච්චයා – අහෙතුකං විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; අහෙතුකපටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා, තයො ඛන්ධෙ පටිච්ච එකො ඛන්ධො, ද්වෙ ඛන්ධෙ පටිච්ච ද්වෙ ඛන්ධා. (1)

විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති නහෙතුපච්චයා – අහෙතුකෙ විපාකෙ ඛන්ධෙ පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ විපාකෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු. (2)

විපාකං ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නහෙතුපච්චයා – අහෙතුකං විපාකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; අහෙතුකපටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. (3)

25. විපාකධම්මධම්මං පටිච්ච විපාකධම්මධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නහෙතුපච්චයා – අහෙතුකං නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං, එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච කටත්තාරූපං උපාදාරූපං. (1)

නෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච විපාකා ඛන්ධා. (2)

නෙවවිපාකනවිපාකධම්මධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ වත්ථුං පටිච්ච විපාකා ඛන්ධා, මහාභූතෙ පටිච්ච කටත්තාරූපං. (3)

26. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති නහෙතුපච්චයා – අහෙතුකපටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති නහෙතුපච්චයා – අහෙතුකෙ විපාකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; අහෙතුකපටිසන්ධික්ඛණෙ විපාකෙ ඛන්ධෙ ච මහාභූතෙ ච පටිච්ච කටත්තාරූපං. (2)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නහෙතුපච්චයා – අහෙතුකපටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා, විපාකෙ ඛන්ධෙ ච මහාභූතෙ ච පටිච්ච කටත්තාරූපං. (3)

නආරම්මණපච්චයො

27. විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති නආරම්මණපච්චයා – විපාකෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ විපාකෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු. (1)

28. විපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නආරම්මණපච්චයා – විපාකධම්මධම්මෙ ඛන්ධෙ පටිච්ච චිත්තසමුට්ඨානං රූපං. (1)

29. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නආරම්මණපච්චයා – නෙවවිපාකනවිපාකධම්මධම්මෙ ඛන්ධෙ පටිච්ච චිත්තසමුට්ඨානං රූපං, එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච තයො මහාභූතා… මහාභූතෙ පටිච්ච කටත්තාරූපං උපාදාරූපං. (1)

30. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති නආරම්මණපච්චයා – විපාකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ විපාකෙ ඛන්ධෙ ච මහාභූතෙ ච පටිච්ච කටත්තාරූපං. (1)

31. විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති නආරම්මණපච්චයා – විපාකධම්මධම්මෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නඅධිපතිපච්චයො

32. විපාකං ධම්මං පටිච්ච විපාකො ධම්මො උප්පජ්ජති නඅධිපතිපච්චයා. (සංඛිත්තං. යථා අනුලොමං සහජාතසදිසං.)

නඅනන්තරපච්චයාදි

33. විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති නඅනන්තරපච්චයා … නසමනන්තරපච්චයා… නඅඤ්ඤමඤ්ඤපච්චයා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං; බාහිරං… ආහාරසමුට්ඨානං… උතුසමුට්ඨානං, අසඤ්ඤසත්තානං මහාභූතෙ පටිච්ච කටත්තාරූපං උපාදාරූපං (ඉදං නානත්තං) නඅඤ්ඤමඤ්ඤපච්චයා… නඋපනිස්සයපච්චයා… (සංඛිත්තං).

නපුරෙජාතපච්චයො

34. විපාකං ධම්මං පටිච්ච විපාකො ධම්මො උප්පජ්ජති නපුරෙජාතපච්චයා – අරූපෙ විපාකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; පටිසන්ධික්ඛණෙ විපාකං එකං ඛන්ධං (සංඛිත්තං). (1)

විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති නපුරෙජාතපච්චයා – විපාකෙ ඛන්ධෙ පටිච්ච චිත්තසමුට්ඨානං රූපං, පටිසන්ධික්ඛණෙ (සංඛිත්තං). (2)

විපාකං ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ විපාකං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං. (3)

විපාකධම්මධම්මං පටිච්ච විපාකධම්මධම්මො උප්පජ්ජති නපුරෙජාතපච්චයා – අරූපෙ විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

විපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නපුරෙජාතපච්චයා – විපාකධම්මධම්මෙ ඛන්ධෙ පටිච්ච චිත්තසමුට්ඨානං රූපං. (2)

35. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නපුරෙජාතපච්චයා – අරූපෙ නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා, නෙවවිපාකනවිපාකධම්මධම්මෙ ඛන්ධෙ පටිච්ච චිත්තසමුට්ඨානං රූපං, එකං මහාභූතං පටිච්ච තයො මහාභූතා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ…. (1)

නෙවවිපාකනවිපාකධම්මධම්මං පටිච්ච විපාකො ධම්මො උප්පජ්ජති නපුරෙජාතපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා. (2)

නෙවවිපාකනවිපාකධම්මධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ වත්ථුං පටිච්ච විපාකා ඛන්ධා, මහාභූතෙ පටිච්ච කටත්තාරූපං. (3)

36. විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති නපුරෙජාතපච්චයා – පටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා. (1)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති නපුරෙජාතපච්චයා – විපාකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ විපාකෙ ඛන්ධෙ ච මහාභූතෙ ච පටිච්ච කටත්තාරූපං. (2)

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නපුරෙජාතපච්චයා – පටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ ච වත්ථුඤ්ච පටිච්ච ද්වෙ ඛන්ධා; විපාකෙ ඛන්ධෙ ච මහාභූතෙ ච පටිච්ච කටත්තාරූපං. (3)

37. විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති නපුරෙජාතපච්චයා – විපාකධම්මධම්මෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.

නපච්ඡාජාතපච්චයාදි

38. විපාකං ධම්මං පටිච්ච විපාකො ධම්මො උප්පජ්ජති නපච්ඡාජාතපච්චයා…පෙ… නආසෙවනපච්චයා (සංඛිත්තං).

නකම්මපච්චයො

39. විපාකධම්මධම්මං පටිච්ච විපාකධම්මධම්මො උප්පජ්ජති නකම්මපච්චයා – විපාකධම්මධම්මෙ ඛන්ධෙ පටිච්ච විපාකධම්මධම්මා චෙතනා.

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නකම්මපච්චයා – නෙවවිපාකනවිපාකධම්මධම්මෙ ඛන්ධෙ පටිච්ච නෙවවිපාකනවිපාකධම්මධම්මා චෙතනා; බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච උපාදාරූපං.

නවිපාකපච්චයො

40. විපාකධම්මධම්මං පටිච්ච විපාකධම්මධම්මො උප්පජ්ජති නවිපාකපච්චයා – විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

විපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නවිපාකපච්චයා – විපාකධම්මධම්මෙ ඛන්ධෙ පටිච්ච චිත්තසමුට්ඨානං රූපං. (2)

විපාකධම්මධම්මං පටිච්ච විපාකධම්මධම්මො ච නෙවවිපාකනවිපාකධම්මධම්මො ච ධම්මා උප්පජ්ජන්ති නවිපාකපච්චයා – විපාකධම්මධම්මං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

41. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නවිපාකපච්චයා – නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච කටත්තාරූපං උපාදාරූපං. (1)

විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පටිච්ච නෙවවිපාකනවිපාකධම්මධම්මො උප්පජ්ජති නවිපාකපච්චයා – විපාකධම්මධම්මෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නආහාරපච්චයො

42. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච කටත්තාරූපං උපාදාරූපං.

නඉන්ද්‍රියපච්චයො

43. නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං එකං මහාභූතං පටිච්ච තයො මහාභූතා…පෙ… අසඤ්ඤසත්තානං මහාභූතෙ පටිච්ච රූපජීවිතින්ද්‍රියං.

නඣානපච්චයො

44. විපාකං ධම්මං පටිච්ච විපාකො ධම්මො උප්පජ්ජති නඣානපච්චයා – පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා.

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නඣානපච්චයා – බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ….

නමග්ගපච්චයො

45. විපාකං ධම්මං පටිච්ච විපාකො ධම්මො උප්පජ්ජති නමග්ගපච්චයා – අහෙතුකං විපාකං එකං ඛන්ධං පටිච්ච… තීණි.

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නමග්ගපච්චයා – අහෙතුකං නෙවවිපාකනවිපාකධම්මධම්මං එකං ඛන්ධං පටිච්ච… තීණි.

විපාකඤ්ච නෙවවිපාකනවිපාකධම්මධම්මඤ්ච ධම්මං පටිච්ච විපාකො ධම්මො උප්පජ්ජති නමග්ගපච්චයා – අහෙතුකපටිසන්ධික්ඛණෙ විපාකං එකං ඛන්ධඤ්ච වත්ථුඤ්ච පටිච්ච… තීණි.

නසම්පයුත්තපච්චයො

46. විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති නසම්පයුත්තපච්චයා… ද්වෙ.

විපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නසම්පයුත්තපච්චයා… ද්වෙ.

නෙවවිපාකනවිපාකධම්මධම්මං පටිච්ච… එකං.

නවිප්පයුත්තපච්චයො

47. විපාකං ධම්මං පටිච්ච විපාකො ධම්මො උප්පජ්ජති නවිප්පයුත්තපච්චයා – අරූපෙ විපාකෙ එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා.

විපාකධම්මධම්මං පටිච්ච විපාකධම්මධම්මො උප්පජ්ජති නවිප්පයුත්තපච්චයා – අරූපෙ විපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා.

නෙවවිපාකනවිපාකධම්මධම්මං පටිච්ච නෙවවිපාකනවිපාකධම්මධම්මො උප්පජ්ජති නවිප්පයුත්තපච්චයා – අරූපෙ නෙවවිපාකනවිපාකධම්මධම්මං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච කටත්තාරූපං උපාදාරූපං.

නොනත්ථි-නොවිගතපච්චයා

48. විපාකං ධම්මං පටිච්ච නෙවවිපාකනවිපාකධම්මධම්මො උප්පජ්ජති නොනත්ථිපච්චයා… නොවිගතපච්චයා (සංඛිත්තං).

2. පච්චයපච්චනීයං

2. සඞ්ඛ්‍යාවාරො

සුද්ධං

49. නහෙතුයා දස, නආරම්මණෙ පඤ්ච, නඅධිපතියා තෙරස, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ ද්වාදස, නපච්ඡාජාතෙ තෙරස, නආසෙවනෙ තෙරස, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ ද්වෙ, නමග්ගෙ නව, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච.

නහෙතුදුකං

50. නහෙතුපච්චයා නආරම්මණෙ තීණි, නඅධිපතියා දස, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ දස, නපච්ඡාජාතෙ දස, නආසෙවනෙ දස, නකම්මෙ එකං, නවිපාකෙ ද්වෙ, නආහාරෙ එකං, නඉන්ද්‍රියෙ එකං, නඣානෙ ද්වෙ, නමග්ගෙ නව, නසම්පයුත්තෙ තීණි, නවිප්පයුත්තෙ ද්වෙ, නොනත්ථියා තීණි, නොවිගතෙ තීණි.

තිකං

නහෙතුපච්චයා නආරම්මණපච්චයා නඅධිපතියා තීණි, නඅනන්තරෙ තීණි, නසමනන්තරෙ තීණි…පෙ… නකම්මෙ එකං, නවිපාකෙ එකං, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ තීණි, නසම්පයුත්තෙ තීණි, නවිප්පයුත්තෙ එකං, නොනත්ථියා තීණි, නොවිගතෙ තීණි (සංඛිත්තං).

නහෙතුමූලකං.

(යථා කුසලත්තිකෙ සජ්ඣායමග්ගෙන ගණිතං, එවං ඉධාපි ගණෙතබ්බං.)

පච්චනීයං.

3. පච්චයානුලොමපච්චනීයං

හෙතුදුකං

51. හෙතුපච්චයා නආරම්මණෙ පඤ්ච, නඅධිපතියා තෙරස, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ ද්වාදස, නපච්ඡාජාතෙ තෙරස, නආසෙවනෙ තෙරස, නකම්මෙ ද්වෙ, නවිපාකෙ පඤ්ච, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච.