1. විභඞ්ගවාරො

නහෙතුපච්චයො

75. විපාකං ධම්මං පච්චයා විපාකො ධම්මො උප්පජ්ජති නහෙතුපච්චයා – අහෙතුකං විපාකං එකං ඛන්ධං පච්චයා… තීණි.

විපාකධම්මධම්මං පච්චයා විපාකධම්මධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ පච්චයා විචිකිච්ඡාසහගතො උද්ධච්චසහගතො මොහො.

නෙවවිපාකනවිපාකධම්මධම්මං පච්චයා නෙවවිපාකනවිපාකධම්මධම්මො උප්පජ්ජති නහෙතුපච්චයා – අහෙතුකං නෙවවිපාකනවිපාකධම්මධම්මං එකං ඛන්ධං පච්චයා…පෙ…. (1)

නෙවවිපාකනවිපාකධම්මධම්මං පච්චයා විපාකො ධම්මො උප්පජ්ජති නහෙතුපච්චයා – චක්ඛායතනං පච්චයා චක්ඛුවිඤ්ඤාණං…පෙ…. (2)

නෙවවිපාකනවිපාකධම්මධම්මං පච්චයා විපාකධම්මධම්මො උප්පජ්ජති නහෙතුපච්චයා – වත්ථුං පච්චයා විචිකිච්ඡාසහගතො උද්ධච්චසහගතො මොහො. (3)

නෙවවිපාකනවිපාකධම්මධම්මං පච්චයා විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නහෙතුපච්චයා – වත්ථුං පච්චයා අහෙතුකා විපාකා ඛන්ධා, මහාභූතෙ පච්චයා චිත්තසමුට්ඨානං රූපං, අහෙතුකපටිසන්ධික්ඛණෙ…පෙ… (4)

76. විපාකඤ්ච නෙවවිපාකනවිපාකධම්මධම්මඤ්ච ධම්මං පච්චයා විපාකො ධම්මො උප්පජ්ජති…පෙ… නෙවවිපාකනවිපාකධම්මධම්මො උප්පජ්ජති…පෙ… විපාකො ච නෙවවිපාකනවිපාකධම්මධම්මො ච ධම්මා උප්පජ්ජන්ති නහෙතුපච්චයා…පෙ… තීණි.

විපාකධම්මධම්මඤ්ච නෙවවිපාකනවිපාකධම්මධම්මඤ්ච ධම්මං පච්චයා විපාකධම්මධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයො

77. විපාකං ධම්මං පච්චයා නෙවවිපාකනවිපාකධම්මධම්මො උප්පජ්ජති නආරම්මණපච්චයා (සංඛිත්තං. සබ්බානි පදානි විත්ථාරෙතබ්බානි.)