2. කොසියවග්ග 3. ද්වෙභාග සික්ඛාපුච්ඡා

පුච්ඡා – අනාදියිත්වා ආවුසො තුලං ඔදාතානං තුලං ගොචරියානං නවං සන්ථතං කාරාපෙන්තස්ස නිස්සග්ගියං පාචිත්තියං භගවතා කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ ථොකංයෙව ඔදාතං අන්තෙ ආදියිත්වා තථෙව සුද්ධකාළකානං එළකලොමානං සන්ථතං කාරාපෙසුං, තස්මිං භන්තෙ වත්ථුස්මිං පඤ්ඤත්තං.