3. පත්තවග්ගො, 6. සුත්තවිඤ්ඤත්ති සික්ඛාපුච්ඡා

පුච්ඡා – සාමං ආවුසො සුත්තං විඤ්ඤාපෙත්වා තන්තවායෙහි චීවරං වායාපෙන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – රාජගහෙ භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ඡබ්බග්ගියෙ භන්තෙ භික්ඛූ ආරබ්භ පඤ්ඤත්තං, ඡබ්බග්ගියා භන්තෙ භික්ඛූ සාමං සුත්තං විඤ්ඤාපෙත්වා තන්තවායෙහි චීවරං වායාපෙසුං, තස්මිං භන්තෙ වත්ථුස්මිං පඤ්ඤත්තං.