3. පත්තවග්ග, 7. මහාපෙසකාර සික්ඛාපුච්ඡා
පුච්ඡා – පුබ්බෙ අප්පවාරිතස්ස ආවුසො අඤ්ඤාතකස්ස ගහපතිකස්ස තන්තවායෙ උපසඞ්කමිත්වා චීවරෙ විකප්පං ආපජ්ජන්තස්ස නිස්සග්ගියං පාචිත්තියං කත්ථ පඤ්ඤත්තං.
විස්සජ්ජනා – සාවත්ථි යං භන්තෙ පඤ්ඤත්තං.
පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.
විස්සජ්ජනා – ආයස්මන්තං භන්තෙ උපනන්දං සක්‍යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්‍යපුත්තො පුබ්බෙ අප්පවාරිතො අඤ්ඤාතකස්ස ගහපතිකස්ස තන්තවායෙ උපසඞ්කමිත්වා චීවරෙ විකප්පං ආපජ්ජි, තස්මිං භන්තෙ වත්ථුස්මිං පඤ්ඤත්තං.