3. පත්තවග්ග 5. චීවරඅච්ඡින්දන සික්ඛාපුච්ඡා

පුච්ඡා – භික්ඛුස්ස ආවුසො සාමං චීවරං දත්වා කුපිතෙන අනත්තමනෙන අච්ඡින්දන්තස්ස නිස්සග්ගියං පාචිත්තියං කත්ථ පඤ්ඤත්තං.

විස්සජ්ජනා – සාවත්ථියං භන්තෙ පඤ්ඤත්තං.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – ආයස්මන්තං භන්තෙ උපනන්දං සක්‍යපුත්තං ආරබ්භ පඤ්ඤත්තං, ආයස්මා භන්තෙ උපනන්දො සක්‍යපුත්තො භික්ඛුස්ස සාමං චීවරං දත්වා කුපිතො අනත්තමනො අච්ඡින්දි, තස්මිං භන්තෙ වත්ථුස්මිං පඤ්ඤත්තං.