11. භෙදානුවත්තක සික්ඛාපුච්ඡා

පුච්ඡා – යං තෙන ආවුසො භගවතා…පෙ… සම්මාසම්බුද්ධෙන භෙදානුවත්තකානං භික්ඛූනං යාවතතියං සමනුභාසනාය අප්පටිනිස්සජ්ජන්තානං සඞ්ඝාදිසෙසො කත්ථ පඤ්ඤත්තො.

විස්සජ්ජනා – රාජගහෙ භන්තෙ පඤ්ඤත්තො.

පුච්ඡා – කං ආවුසො ආරබ්භ කිස්මිං වත්ථුස්මිං පඤ්ඤත්තො.

විස්සජ්ජනා – සම්බහුලෙ භන්තෙ භික්ඛූ ආරබ්භ පඤ්ඤත්තො, සම්බහුලා භන්තෙ භික්ඛූ දෙවදත්තස්ස සඞ්ඝාභෙදාය පරක්කමන්තස්ස අනුවත්තකා අහෙසුං වග්ගවාදකා, තස්මිං භන්තෙ වත්ථුස්මිං පඤ්ඤත්තො.