9. පාතිමොක්ඛට්ඨපනක්ඛන්ධක

පුච්ඡා – සාපත්තිකෙන ආවුසො පාතිමොක්ඛං සුණන්තස්ස පාතිමොක්ඛං ඨපෙතුං භගවතා කත්ථ පඤ්ඤත්තං, කං ආරබ්භ කිස්මිං වත්ථුස්මිං පඤ්ඤත්තං.

විස්සජ්ජනා – සාවත්ථියං භන්තෙ අඤ්ඤතරං පුග්ගලං දුස්සීලං පාපධම්මං ආරබ්භ පඤ්ඤත්තං, අඤ්ඤතරො භන්තෙ පුග්ගලො දුස්සීලො පාපධම්මො තදහුපොසථෙ සඞ්ඝමජ්ඣෙ නිසින්නො අහොසි, තස්මිං භන්තෙ වත්ථුස්මිං පඤ්ඤත්තං.

පුච්ඡා – ඨපනං ආවුසො පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.

විස්සජ්ජනා – ඨපනං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ එකා ආපත්ති.