7. කථිනක්ඛන්ධක
පුච්ඡා – වස්සංවුට්ඨානං ආවුසො භික්ඛූනං කථිනං අත්ථරිතුං භගවතා කත්ථ අනුඤ්ඤාතං, කං ආරබ්භ කිස්මිං වත්ථුස්මිං අනුඤ්ඤාතං.
විස්සජ්ජනා – සාවත්ථියං භන්තෙ තිංසමත්තෙ පාවෙය්‍යකෙ භික්ඛූ ආරබ්භ අනුඤ්ඤාතං, තිංසමත්තා භන්තෙ පාවෙය්‍යකා භික්ඛූ සාවත්ථිං ආගච්ඡන්තා භගවන්තං දස්සනාය උපකට්ඨාය වස්සූපනායිකාය නාසක්ඛිංසු සාවත්ථියං වස්සූපනායිකං සම්භාවෙතුං, තස්මිං භන්තෙ වත්ථුස්මිං අනුඤ්ඤාතං.
පුච්ඡා – කථිනකං පුච්ඡිස්සං, සනිදානං සනිද්දෙසං. සමුක්කට්ඨපදානං ආවුසො කති ආපත්තියො.
විස්සජ්ජනා – කථිනකං විස්සජ්ජිස්සං, සනිදානං සනිද්දෙසං. සමුක්කට්ඨපදානං භන්තෙ න කතමා ආපත්ති.