38. ආමන්ත
අභිමුඛං කත්වාතිආදිනා යොගාරම්භස්ස ඵලං දස්සෙති, නාමත්ථෙති සද්දත්ථෙ, පදතොති ආමන්තණාධිකඅත්ථමත්තප්පකාසකපදතො, හොන්ති චෙත්ථ…
සිද්ධස්සාභිමුඛීකාර [භිමුඛීභාව (පොත්ථකෙ)], මත්තමාමන්තණං සියා;
අත්ථො කතාභිමුඛො හි, ක්‍රියායං විනියුජ්ජතෙ;
ආමන්තණං න වාක්‍යත්ථො, පදතොව පතීතිතො;
නත්ථෙවාමන්තණං ලොකෙ, විධාතබ්බෙන වත්ථුනා;
තං යථා භව රාජෙති, නිප්පන්නත්ථො භවෙති ච.
සිද්ධස්සාති දෙවදත්තත්තාදිනා සිද්ධස්ස, අත්ථොති දෙවදත්තාදි, කතං ආභිමුඛ්‍යං සමාධානං යෙනාති විග්ගහො, ක්‍රියායං විනියුජ්ජතෙ ගච්ඡ භුඤ්ජාති, ආමන්තණං නත්ථි… ඉදානි විධීයමානත්තෙනාලද්ධසත්තිකස්සාභිමුඛයිතුමසක්කරූපත්තා, විධාතබ්බෙනාති නිප්ඵාදෙතබ්බෙන.