၄. သမနုဘာသနာသမုဋ္ဌာနံ

၂၆၁. ဘေဒါနုဝတ္တဒုဗ္ဗစ၊ ဒူသဒုဋ္ဌုလ္လဒိဋ္ဌိ စ၊

ဆန္ဒံ ဥဇ္ဇဂ္ဃိကာ ဒွေ စ၊ ဒွေ စ သဒ္ဒါ န ဗျာဟရေ.

ဆမာ နီစာသနေ ဌာနံ၊ ပစ္ဆတော ဥပ္ပထေန စ၊

ဝဇ္ဇာနုဝတ္တိဂဟဏာ၊ ဩသာရေ ပစ္စာစိက္ခနာ.

ကိသ္မိံ သံသဋ္ဌာ ဒွေ ဝဓိ၊ ဝိသိဗ္ဗေ ဒုက္ခိတာယ စ၊

ပုန သံသဋ္ဌာ န ဝူပသမေ၊ အာရာမဉ္စ ပဝါရဏာ.

အနွဒ္ဓံ [အနွဒ္ဓမာသံ (သီ. သျာ.)] သဟ ဇီဝိနိံ၊ ဒွေ စီဝရံ အနုဗန္ဓနာ၊

သတ္တတိံသ ဣမေ ဓမ္မာ၊ ကာယဝါစာယ စိတ္တတော.

သဗ္ဗေ ဧကသမုဋ္ဌာနာ၊ သမနုဘာသနာ ယထာ.

သမနုဘာသနာသမုဋ္ဌာနံ နိဋ္ဌိတံ.