ဒိသာလောစနအင်္ကုသနယဒွယဝဏ္ဏနာ

ဣတိ တိဏ္ဏံ အတ္ထနယာနံ သိဒ္ဓိယာ ဝေါဟာရနယဒွယမ္ပိ သိဒ္ဓမေဝ ဟောတိ. တထာ ဟိ အတ္ထနယတ္တယဒိသာဘူတဓမ္မာနံ သမာလောစနမေဝ ဒိသာလောစနနယော. တေသံ သမာနယနမေဝ အင်္ကုသနယော. တသ္မာ ယထာဝုတ္တနယေန အတ္ထနယာနံ ဒိသာဘူတဓမ္မသမာလောကနနယနဝသေန တမ္ပိ နယဒွယံ ယောဇေတဗ္ဗန္တိ၊ တေန ဝုတ္တံ ‘‘ဝေယျာကရဏေသု ဟိ ယေ၊ ကုသလာကုသလာ’’တိအာဒိ (နေတ္တိ. ၄.၂၀). အယံ ပဉ္စနယယောဇနာ.

ပဉ္စဝိဓနယဝဏ္ဏနာ နိဋ္ဌိတာ.