၈. ဥပဿုတိသိက္ခာပဒဝဏ္ဏနာ

၄၇၁. အဋ္ဌမေ သုယျတီတိ သုတိ၊ ဝစနံ. တဿာ သမီပံ ဥပဿုတိ. သုယျတိ ဧတ္ထာတိ သုတီတိ ဧဝဉှိ အတ္ထေ ဂယှမာနေ သဝနဋ္ဌာနသမီပေ အညသ္မိံ အဿဝနဋ္ဌာနေ တိဋ္ဌတီတိ အာပဇ္ဇတိ. အဋ္ဌကထာယဉ္စ ဥပဿုတိ-သဒ္ဒဿေဝ အတ္ထံ ဒဿေတုံ ‘‘ယတ္ထ ဌတွာ’’တိအာဒိ ဝုတ္တံ၊ န သုတိ-သဒ္ဒမတ္တဿ.

၄၇၃. ဧကပရိစ္ဆေဒါနီတိ ကဒါစိ အကိရိယတော၊ ကဒါစိ ကိရိယတော သမုဋ္ဌာနသာမညေန ဝုတ္တံ. ဥပသမ္ပန္နေန စောဒနာဓိပ္ပါယော၊ သဝနန္တိ ဒွေ အင်္ဂါနိ.

ဥပဿုတိသိက္ခာပဒဝဏ္ဏနာ နိဋ္ဌိတာ.