၄. ပဟာရသိက္ခာပဒဝဏ္ဏနာ
၄၅၁. စတုတ္ထေ ပါဠိယံ ကာယပဋိဗဒ္ဓေန ဝါတိ ဧတ္ထ ပါသာဏာဒိနိဿဂ္ဂိယပဟာရောပိ သင်္ဂဟိတော.
၄၅၂. ရတ္တစိတ္တောတိ ကာယသံသဂ္ဂရာဂေန ဝုတ္တံ. မေထုနရာဂေန ပန ပဟာရတော ပုရိသာဒီသု ဒုက္ကဋမေဝ. မောက္ခာဓိပ္ပါယေန ဒဏ္ဍကောဋိယာ သပ္ပါဒိံ ဃဋ္ဋေတွာ မဏ္ဍူကာဒိံ မောစေန္တဿပိ အနာပတ္တိ ဧဝ. ကုပိတတာ၊ ဥပသမ္ပန္နဿ န မောက္ခာဓိပ္ပါယေန ပဟာရောတိ ဒွေ အင်္ဂါနိ.
ပဟာရသိက္ခာပဒဝဏ္ဏနာ နိဋ္ဌိတာ.