၄. ကာဏမာတာသိက္ခာပဒဝဏ္ဏနာ

၂၃၁. စတုတ္ထေ ပါဠိယံ ပဋိယာလောကန္တိ ပစ္ဆိမဒိသံ၊ ပစ္ဆာဒိသန္တိ အတ္ထော. အပါထေယျာဒိအတ္ထာယ ပဋိယာဒိတန္တိသညာယ ဂဏှန္တဿာပိ အာပတ္တိ ဧဝ အစိတ္တကတ္တာ သိက္ခာပဒဿ. အတ္တနော အတ္ထာယ ‘‘ဣမဿ ဟတ္ထေ ဒေဟီ’’တိ ဝစနေနာပိ အာပဇ္ဇနတော ‘‘ဝစီကမ္မ’’န္တိ ဝုတ္တံ. ဝုတ္တလက္ခဏပူဝမန္ထတာ၊ အသေသကတာ၊ အပ္ပဋိပ္ပဿဒ္ဓဂမနတာ၊ အညာတကာဒိတာ၊ အတိရေကပဋိဂ္ဂဟဏန္တိ ဣမာနေတ္ထ ပဉ္စ အင်္ဂါနိ.

ကာဏမာတာသိက္ခာပဒဝဏ္ဏနာ နိဋ္ဌိတာ.