၄. ဩက္ခာသုတ္တဝဏ္ဏနာ

၂၂၆. မဟာမုခဥက္ခလီနန္တိ မဟာမုခါနံ မဟန္တကောဠုမ္ဗာနံ သတံ. ပဏီတဘောဇနဘရိတာနန္တိ သပ္ပိမဓုသက္ကရာဒီဟိ ဥပနီတပဏီတဘောဇနေဟိ ပရိပုဏ္ဏာနံ. တဿာတိ ပါဌဿ. ဂေါဒုဟနမတ္တန္တိ ဂေါဒေါဟနဝေလာမတ္တံ. တံ ပန ကိတ္တကံ အဓိပ္ပေတန္တိ အာဟ ‘‘ဂါဝိယာ’’တိအာဒိ. သဗ္ဗသတ္တေသု ဟိတဖရဏန္တိ အနောဓိသောမေတ္တာဘာဝနမာဟ – မေတ္တစိတ္တံ အပ္ပနာပ္ပတ္တံ ဘာဝေတုံ သက္ကောတီတိ အဓိပ္ပါယော. တမ္ပိ တတော ယထာဝုတ္တဒါနတော မဟပ္ဖလတရန္တိ.

ဩက္ခာသုတ္တဝဏ္ဏနာ နိဋ္ဌိတာ.