၅. သတ္တိသုတ္တဝဏ္ဏနာ

၂၂၇. အဂ္ဂေ ပဟရိတွာတိ တိဏှဖလသတ္တိယာ အဂ္ဂေ ဟတ္ထေန ဝါ မုဋ္ဌိနာ ဝါ ပဟာရံ ဒတွာ. ကပ္ပါသဝဋ္ဋိံ ဝိယာတိ ပဟတကပ္ပါသပိဏ္ဍံ ဝိယ. နိယျာသဝဋ္ဋိံ ဝိယာတိ ဖလသဏ္ဌာနံ နိယျာသပိဏ္ဍံ ဝိယ. ဧကတော ကတွာတိ ကလိကာဒိဘာဝေန ဝီသတိံသပိဏ္ဍာနိ ဧကဇ္ဈံ ကတွာ. အလ္လိယာပေန္တော ပိဏ္ဍံ ကရောန္တော. ပဋိလေဏေတီတိ ပဋိလီနယတိ နာမေတိ. အလ္လိယာပေန္တော တေ ဒွေပိ ဓာရာ ဧကတော သမ္ဖုသာပေန္တော. ပဋိကောဋ္ဋေတီတိ ပဋိပဟရတိ. တတ္ထ ခဏ္ဍံ ဝိယ နိယျာသော. ကပ္ပါသဝဋ္ဋနကရဏီယန္တိ ဝိဟတဿ ကပ္ပါသဿ ပဋိသံဟရဏဝသေန ဗန္ဓနဒဏ္ဍံ. ပဝတ္တေန္တောတိ ကပ္ပါသဿ သံဝေလ္လနဝသေန ပဝတ္တေန္တော.

သတ္တိသုတ္တဝဏ္ဏနာ နိဋ္ဌိတာ.