၁. စတုဓာတုသုတ္တဝဏ္ဏနာ

၁၁၄. ပတိဋ္ဌာဓာတူတိ သဟဇာတာနံ ဓမ္မာနံ ပတိဋ္ဌာဘူတာ ဓာတု. အာဗန္ဓနဓာတူတိ နဟာနိယစုဏ္ဏဿ ဥဒကံ ဝိယ သဟဇာတဓမ္မာနံ အာဗန္ဓနဘူတာ ဓာတု. ပရိပါစနဓာတူတိ သူရိယော ဖလာဒီနံ ဝိယ သဟဇာတဓမ္မာနံ ပရိပါစနဘူတာ ဓာတု. ဝိတ္ထမ္ဘနဓာတူတိ ဒုတိယော ဝိယ သဟဇာတဓမ္မာနံ ဝိတ္ထမ္ဘနဘူတာ ဓာတု. ကေသာဒယော ဝီသတိ ကောဋ္ဌာသာ. အာဒိ-သဒ္ဒေန ပိတ္တာဒယော သန္တပ္ပနာဒယော ဥဒ္ဓင်္ဂမာ ဝါတာဒယော ဂဟိတာ. ဧတာတိ ဓာတုယော.

စတုဓာတုသုတ္တဝဏ္ဏနာ နိဋ္ဌိတာ.