၄. ဝေဒနာနာနတ္တသုတ္တဝဏ္ဏနာ

၈၈. သဗ္ဗာပိ တသ္မိံ ဒွါရေ ဝေဒနာ ဝတ္တေယျုံ စက္ခုသမ္ဖဿဝေဒနာ ဥပနိဿယပစ္စယဘာဝိတာ. နိဗ္ဗတ္တိဖာသုကတ္ထန္တိ နိဗ္ဗတ္တိယာ ဥပနိဿယဘာဝေန ပဝတ္တိယာ ဒဿနသုခတ္ထံ. သမ္ပဋိစ္ဆနဝေဒနမေဝ ဂဟေတုံ ဝဋ္ဋတိ၊ တာယ ဂဟိတာယ ဣတရာသံ ဂဟဏံ ဉာယာဂတမေဝါတိ. ဝုတ္တံ ပေါရာဏဋ္ဌကထာယံ. အာဝဇ္ဇနသမ္ဖဿန္တိ အာဝဇ္ဇနမနောသမ္ဖဿံ. အနန္တရူပနိဿယဘူတံ ပဋိစ္စ ပဌမဇဝနဝသေန ဥပ္ပဇ္ဇတီတိ ယောဇနာ. အယမဓိပ္ပါယော ဥပနိဿယဿ အဓိပ္ပေတတ္တာ.

ဝေဒနာနာနတ္တသုတ္တဝဏ္ဏနာ နိဋ္ဌိတာ.