၅. ဒုတိယဝေဒနာနာနတ္တသုတ္တဝဏ္ဏနာ

၈၉. တတိယစတုတ္ထေသု ဝုတ္တနယာဝါတိ ‘‘နော စက္ခုသမ္ဖဿံ ပဋိစ္စ ဥပ္ပဇ္ဇတိ စက္ခုဓာတူ’’တိ ဧဝံ ဝုတ္တနယော၊ စတုတ္ထေ ‘‘စက္ခုဓာတုံ၊ ဘိက္ခဝေ၊ ပဋိစ္စ ဥပ္ပဇ္ဇတိ စက္ခုသမ္ဖဿော’’တိအာဒိနာ ဝုတ္တနယော စ. ဧကတော ကတွာတိ ဧကဇ္ဈံ ကတွာ ဒေသိတာ. ကသ္မာ ပန တေသု သုတ္တေသု ဧဝံ ဒေသနာ ပဝတ္တာတိ အာဟ ‘‘သဗ္ဗာနိ စေတာနီ’’တိအာဒိ. ပဋိသေဓော ပန တေသံ ဝေဒနာနာနတ္တာဒီနံ ဖဿနာနတ္တာဒိကဿ ပစ္စယဘာဝတော တထာဥပ္ပတ္တိယာ အသမ္ဘဝတော. ဣတော ပရေသူတိ ‘‘နော ပရိယေသနာနာနတ္တံ ပဋိစ္စ ဥပ္ပဇ္ဇတိ ပရိဠာဟနာနတ္တ’’န္တိအာဒီသု.

ဒုတိယဝေဒနာနာနတ္တသုတ္တဝဏ္ဏနာ နိဋ္ဌိတာ.