၇. တရုဏရုက္ခသုတ္တဝဏ္ဏနာ

၅၇-၅၉. ပလိမဇ္ဇေယျာတိ အလ္လကရဏဝသေန ပရိတော ပါဠိံ ဗန္ဓေယျ. တထာ ကရောန္တော ယသ္မာ စ တတ္ထ တိဏဂစ္ဆာဒီနံ မူလသန္တာနဂ္ဂဟဏေန တံ ဌာနံ သောဓေတိ နာမ၊ တသ္မာ ဝုတ္တံ ‘‘သောဓေယျာ’’တိ. ပံသုန္တိ အဿ ပဝဍ္ဎကာရကံ၊ အာဂန္တုကံ ပံသုန္တိ အတ္ထော. ဒဒေယျာတိ ပက္ခိပေယျ. တေနာဟ ‘‘ထဒ္ဓ’’န္တိအာဒိ. ဝုတ္တနယေနေဝါတိ ‘‘ရုက္ခံ နာသေတုကာမော ပုရိသော ဝိယာ’’တိအာဒိနာ ပဉ္စမသုတ္တေ ဝုတ္တနယေန. အဋ္ဌမနဝမာနိ ဥတ္တာနတ္ထာနေဝ ဝုတ္တနယတ္တာ.

တရုဏရုက္ခသုတ္တဝဏ္ဏနာ နိဋ္ဌိတာ.