၂၄၂. တဇ္ဇနီယကမ္မကထာ

၄၀၇. ‘‘ဣဓ ပန ဘိက္ခဝေ ဘိက္ခု ဘဏ္ဍနကာရကော’’တိအာဒိ ဝုတ္တန္တိ သမ္ဗန္ဓော. တတ္ထာတိ ‘‘ဣဓ ပန ဘိက္ခဝေ’’တိအာဒိပါဌေ. အနပဒါနောတိ ဧတ္ထ အပပုဗ္ဗော ဒါသဒ္ဒေါ အဝခဏ္ဍနတ္ထောတိ အာဟ ‘‘အပဒါနံ ဝုစ္စတိ ပရိစ္ဆေဒေါ’’တိ. နတ္ထိ အပဒါနံ အဝခဏ္ဍနံ အာပတ္တိပရိယန္တော ဧတဿာတိ အနပဒါနောတိ ဝစနတ္ထော ကာတဗ္ဗော. သာယေဝ ပါဠိ ဝုတ္တာတိ သမ္ဗန္ဓော. တတ္ထာတိ တဿံ ပါဠိယံ. ကိဉ္စိ အတ္ထဝိနိစ္ဆယံ ပါဠိအနုသာရေန ဝိဒိတုံ န သက္ကာ န ဟောတီတိ ယောဇနာ.

ဣတိ စမ္ပေယျက္ခန္ဓကဝဏ္ဏနာယ ယောဇနာ သမတ္တာ.