၂. သပ္ပါဏကသိက္ခာပဒံ

၃၈၇. ဒုတိယေ သဟ ပါဏေဟီတိ သပ္ပါဏကံ ဥဒကန္တိ ဒဿေန္တော အာဟ ‘‘ယေ ပါဏကာ’’တိအာဒိ. ဟီတိ သစ္စံ. ပတ္တပူရမ္ပိ ဥဒကန္တိ သမ္ဗန္ဓော. တာဒိသေနာတိ သပ္ပါဏကေန. ဓောဝတောပိ ပါစိတ္တိယန္တိ ယောဇနာ. ဥဒကသောဏ္ဍိန္တိ သိလာမယံ ဥဒကသောဏ္ဍိံ. ပေါက္ခရဏိန္တိ သိလာမယံ ပေါက္ခရဏိံ. ဥဋ္ဌာပယတောပိ ပါစိတ္တိယန္တိ သမ္ဗန္ဓော. တတောတိ သောဏ္ဍိပေါက္ခရဏီဟိ. ဥဒကဿာတိ ဥဒကေန၊ ပူရေ ဃဋေ အာသိဉ္စိတွာတိ သမ္ဗန္ဓော. တတ္ထာတိ ဥဒကေ. ဥဒကေတိ ဥဒကသဏ္ဌာနကပဒေသေ အာသိဉ္စိတဥဒကေ. ပတိဿတီတိ သောဏ္ဍိပေါက္ခရဏီဟိ ဂဟိတဥဒကံ ပတိဿတီတိ. ဒုတိယံ.