၄. အာမိသသိက္ခာပဒံ

၁၆၄. စတုတ္ထေ ဗဟုံ မာနံ ကတံ ယေဟီတိ ဗဟုကတာ. ဗဟုကတာ ဟုတွာ န ဩဝဒန္တီတိ အတ္ထံ ဒဿေန္တော အာဟ ‘‘န ဗဟုကတာ’’တိအာဒိ. ဓမ္မေတိ သီလာဒိဓမ္မေ. အဓိပ္ပါယောတိ ‘‘န ဗဟုကတာ’’တိပဒဿ၊ ဆဗ္ဗဂ္ဂိယာနံ ဝါ အဓိပ္ပါယောတိ ယောဇနာ. ‘‘ကတ္တုကာမောတိ အာဒီန’’န္တိပဒံ ‘‘အတ္ထော’’တိပဒေ ဝါစကသမ္ဗန္ဓော.

အသမ္မတော နာမ ဌပိတော ဝေဒိတဗ္ဗောတိ ယောဇနာ. သမ္မုတိန္တိ ဘိက္ခုနောဝါဒကသမ္မုတိံ. ပစ္ဆာ သာမဏေရဘူမိယံ ဌိတောတိ ယောဇနာတိ. စတုတ္ထံ.