၆. ထာလကနိဒ္ဒေသဝဏ္ဏနာ

၇၁-၂. ဒါရု ။ပေ။ ဝေဠုရိယာမယာ အကပ္ပိယာ၊ ဖလိကာကာစကံသဇာ ထာလကာ ဂိဟိသန္တကာ သံဃိကာ စ ကပ္ပိယာ၊ တုမ္ဗဃဋိဇာ တာဝကာလိကာ ကပ္ပိယာတိ သမ္ဗန္ဓော. ကပ္ပန္တိ ပရိကပ္ပန္တိ အဝိရောဓိဘာဝေနေဝါတိ ကပ္ပါ၊ တထာ ကပ္ပိယာ. န ကပ္ပါ အကပ္ပါ. သံဃဿ ဣမေ သံဃိကာ. တာဝ-သဒ္ဒေါ အဝဓိမှိ. တာဝ ဘောဇနာဝဓိဘူတော ကာလော ဧတာသန္တိ တာဝကာလိကာ၊ ဘုဉ္ဇိတွာ ဆဍ္ဍေတဗ္ဗာ၊ န ပရိဟရိတဗ္ဗာတိ အဓိပ္ပါယော.

ထာလကနိဒ္ဒေသဝဏ္ဏနာ နိဋ္ဌိတာ.