၁. သဉ္စိစ္စသိက္ခာပဒဝဏ္ဏနာ

ပါစိတ္တိယန္တိ အန္တမသော မဉ္စပီဌံ သောဓေန္တော မင်္ဂုလဗီဇကေပိ ပါဏသညီ နိက္ကာရုဏိကတာယ တံ ဘိန္ဒန္တော အပနေတိ (ပါစိ. အဋ္ဌ. ၃၈၂)၊ ပါစိတ္တိယံ. တေနာဟ ‘‘တံ ခုဒ္ဒကမ္ပီ’’တိအာဒိ. ဥပက္ကမမဟန္တတာယ အကုသလံ မဟန္တံ ဟောတီတိ ဗဟုက္ခတ္တုံ ပဝတ္တဇဝနေဟိ လဒ္ဓါသေဝနာယ သန္နိဋ္ဌာပကစေတနာယ ဝသေန ပယောဂဿ မဟန္တတ္တာ အကုသလံ မဟန္တံ ဟောတိ၊ မဟာသာဝဇ္ဇံ ဟောတီတိ အဓိပ္ပါယော.

သဉ္စိစ္စသိက္ခာပဒဝဏ္ဏနာ နိဋ္ဌိတာ.