၇. စိတ္တဋ္ဌိတိကထာဝဏ္ဏနာ

၃၃၅. စိတ္တဋ္ဌိတိကထာယံ စုလ္လာသီတိ။ပေ။ အာဒိဝစနဝသေနာတိ အာရုပ္ပေယေဝ ဧဝံ ယာဝတာယုကဋ္ဌာနံ ဝုတ္တံ၊ န အညတ္ထာတိ ကတွာ ပဋိက္ခိပတီတိ အဓိပ္ပါယော. ဧတေန ပန ‘‘န တွေဝ တေပိ တိဋ္ဌန္တိ၊ ဒွီဟိ စိတ္တသမောဟိတာ’’တိ (မဟာနိ. ၁၀ ထောကံ ဝိသဒိသံ) ဒုတိယာပိ အဍ္ဎကထာ ပဿိတဗ္ဗာ. ပုရိမာယ စ ဝဿသတာဒိဋ္ဌာနာနုညာယ အဝိရောဓော ဝိဘာဝေတဗ္ဗော. မုဟုတ္တံ မုဟုတ္တန္တိ ပဉှော သကဝါဒိနာ ပုစ္ဆိတော ဝိယ ဝုတ္တော၊ ပရဝါဒိနာ ပန ပုစ္ဆိတောတိ ဒဋ္ဌဗ္ဗော.

စိတ္တဋ္ဌိတိကထာဝဏ္ဏနာ နိဋ္ဌိတာ.