၅. ဝဿကာရသုတ္တဝဏ္ဏနာ

၃၅. ပဉ္စမေ အရိယေ ဉာယေတိ သံကိလေသတော အာရကတ္တာ အရိယေ နိဒ္ဒေါသေ ပရိသုဒ္ဓေ နိယျာနိကဓမ္မဘာဝတော ဉာယေ ကာရဏေတိ အတ္ထော. ဉာယတိ နိစ္ဆယေန ကမတိ နိဗ္ဗာနံ၊ တံ ဝါ ဉာယတိ ပဋိဝိဇ္ဈီယတိ ဧတေနာတီ ဉာယော၊ အရိယမဂ္ဂေါ. သော ဧဝ စ သမ္ပာပကဟေတုဘာဝတော ကာရဏန္တိ ဝုစ္စတိ. ဣဓ ပန သဟ ဝိပဿနာယ အရိယမဂ္ဂေါ အဓိပ္ပေတောတိ အာဟ ‘‘သဟဝိပဿနကေ မဂ္ဂေ’’တိ. ဂါထာသု ‘‘ဉာယံ ဓမ္မ’’န္တိ ဧတ္ထာပိ ဧသေဝ နယော.

ဝဿကာရသုတ္တဝဏ္ဏနာ နိဋ္ဌိတာ.