၆. ဥမ္မဂ္ဂသုတ္တဝဏ္ဏနာ

၁၈၆. ဆဋ္ဌေ အာကဍ္ဎီယတီတိ စိတ္တဝသိကော လောကော တတ္ထ တတ္ထ ဥပကဍ္ဎီယတိ. တေသံယေဝေတ္ထ ဂဟဏံ ဝေဒိတဗ္ဗန္တိ ယေ အပရိညာတဝတ္ထုကာ စိတ္တဿ ဝသံ ဂစ္ဆန္တိ၊ တေသံယေဝ ဂဟဏံ. န ဟိ ပရိညာတက္ခန္ဓာ ပဟီနကိလေသာ စိတ္တဿ ဝသံ ဂစ္ဆန္တိ၊ စိတ္တံ ပန အတ္တနော ဝသေ ဝတ္တေန္တိ. သဟ သီလေနာတိ စာရိတ္တဝါရိတ္တသီလေန သဒ္ဓိံ. ပုဗ္ဗဘာဂပဋိပဒန္တိ ဓုတင်္ဂမာဒိံ ကတွာ ယာဝ ဂေါတြဘုဉာဏံ၊ တာဝ ပဝတ္တေတဗ္ဗံ သမထဝိပဿနာသင်္ခါတံ သမ္မာပဋိပဒံ. သေသံ သုဝိညေယျမေဝ.

ဥမ္မဂ္ဂသုတ္တဝဏ္ဏနာ နိဋ္ဌိတာ.