၂. လက္ခဏသုတ္တဝဏ္ဏနာ

၂. ဒုတိယေ လက္ခီယတိ ဗာလော အယန္တိ ဉာယတိ ဧတေနာတိ လက္ခဏံ၊ ကမ္မံ လက္ခဏမေတဿာတိ ကမ္မလက္ခဏောတိ အာဟ ‘‘ကာယဒွါရာဒိပဝတ္တံ ကမ္မ’’န္တိအာဒိ. အပဒီယန္တိ ဒေါသာ ဧတေန ရက္ခီယန္တိ၊ လူယန္တိ ဆိဇ္ဇန္တိ ဝါတိ အပဒါနံ၊ သတ္တာနံ သမ္မာ၊ မိစ္ဆာ ဝါ ပဝတ္တပ္ပယောဂေါ. တေန သောဘတီတိ အပဒါနသောဘနီ. တေနာဟ ‘‘ပညာ နာမာ’’တိအာဒိ. အတ္တနော စရိတေနေဝါတိ အတ္တနော စရိယာယ ဧဝ. သေသမေတ္ထ ဥတ္တာနမေဝ.

လက္ခဏသုတ္တဝဏ္ဏနာ နိဋ္ဌိတာ.